25 oktyabr 2011 00:15
Kamran, Subaşiç və Qomeş XL-dan ayrı düşüb
"Xəzər Lənkəran" doğma şəhərə qayıdıb. Azerisport.az xəbər verir ki, "Bakı" ilə oyundan sonra istirahətə buraxılan komanda dünən Lənkərana yollanıb.
Saat 18:00-da şəhərə çatan "Xəzər Lənəkran" 30 dəqiqə sonra məşqə çıxıb. "Fırtınalar meydanı"nın yardımçı meydançasında baş tutan hazırlıq prosesinə Kamal Bayramov, Orxan Sadıxlı, Elnur Allahverdiyev, Elvin Beqiri, Katalin Doman, Eder Bonfim, Elnur Abdullayev, Andrey Mureşan, Rahid Əmirquliyev, Emeka Opara, Adrian Pits, Alim Qurbanov, Antonio Semedo, Şəhriyar Xəlilov, Deyan Rusiç, Juius Vobay, Mario Rosas, Zahid Quliyev. Eldar İsmayılov və Habil Nurəhmədov qatılıb.
Komandanın kapitanı Kamran Ağayevlə hücumçu Branamir Subaşiç şəxsi işləri ilə əlaqədar komandaya bir gün gec qoşulacaq. Hələ də vətənində olan Rikardo Qomeş Lənkərana qayıtmayıb. Atası vəfat edən futbolçunun rəhbərlikdən icazə aldığı deyilir.
Ötən günkü məşqdə bir müddətdi zədəli olan Elvin Beqiri də iştirak edib. Zədəsini sağaldan alban futbolçu artıq komanda ilə birlikdə məşq edir.
