25 oktyabr 2011 00:25
Rodolfo Tavana: Qatuzzonun xərçəng ehtimalı istisnadı (FOTO)
İtaliyanın "Milan" klubunun yarımmüdafiəçisi Cennaro Qatuzzo İtaliya çempionatının 1-ci turunda "Lazio" ilə görüşdən (2:2) etibarən aldığı ağır göz xəstəliyi diaqnozu ilə hələ də meydanlardan kənardadı. Azerisport.az xəbər verir ki, futbolçu həmin oyunun ilk hissəsinin ortalarında komanda yoldaşı Alessandro Nesta ilə toquşşmadan sonra əvəzlənmişdi.
Həkimlər Qatuzzoya gözlərin hərəkətini təmin edən altıncı görmə sinirinin iflici diaqnozunu qoyublar. Buna səbəb kəllə sinirlərinin funksiyasının pozulması göstərilir. Belə iflic çətin müalicə edilir. "Milan"ın baş həkimi Rodolfo Tavana 25 faiz halda xəstəliyin qeyri-məlum səbəblərdən törəndiyini bildib. Həkim bunun bəzən xərçəng, bəzən əsəb tutması olduğuu da qeyd edib. Tavana Qatuzzonun müxtəlif müayinələrdən keçdiyini və qeyd edilmiş halların olmadığını vurğulayıb. Həkim həmçinin belə xəstəliklərin iki aydan altı aya qədər öz-özünə tam sağalmasını da xatırladıb.
Qatuzzo özü isə bunları bildirib: "Lazio"ya qarşı həmin 20 dəqiqə əsl dəhşət idi. Sanki sərxoş idim. Bir anlıq meydanın müxtəlif yerlərində dörd İbrahimoviç gördüm. Təəssüf ki daxili səsim məni irəli səsləyirdi. Yaxşı ki Nesta ilə toquşşmada bu dəhşət bitdi. Futbol həyatımdır. Bu mənada xoşbəxtəm. İyirmi gün qabaq həkimlər meydana qayıtmamaq ehtimalını təxmin edirdilər. İndi isə belə təxmin istisnadır. Fiziki hazırlığımı davam etdirə bilirəm. Ancaq oynaya bilmirəm, çünki meydanı yaxşı görmürəm. Özümü komandanın bir hissəsi sayıram, komandada keçirdiyim illərə görə mənə hörməti hiss edirəm. Yoldaşlarım bilir ki, inamlıyam. Yaş məhdudiyyət deyil. İstəyim olunca oynayacam".
