26 oktyabr 2011 16:58
Birinci divizionun məğlubedilməzi kubokdan kənar qaldı (YENİLƏNİB)
Bu gün futbol üzrə Azərbaycan kubokunun 1/16 final mərhələsinin oyunları keçirilir. Azerisport.az xəbər verir ki, sayca 20-ci olan yubiley ölkə kubokunun ilkin mərhələsində 10 komanda mübarizə aparır.
Onlar 1 oyundan ibarət mübarizədə növbəti mərhələyə yüksələn 5 xoşbəxtin adını müəyyənləşdirməliydilər. İlkin mərhələdən mübarizəyə qoşulan əksər iştirakçıların birinci divizion təmsilçisi olduğunu da qeyd edək.
Bu mərhələdə iştirak edən yeganə Premyer Liqa təmsilçisi "Sumqayıt Şəhər" birinci divizionun liderlərindən olan "Lokomotiv"lə qarşılaşıb. 2:0 hesablı qələbə qazanan Sumqayıt təmsilçisi 1/8 final mərhələsinə adlayıb. Bu, "Sumqayıt"ın mövsümdə ilk qələbəsi olub. Komanda Premyer Liqada keçirdiyi 10 oyunda cəmi 3 heç-heçə edib.
Birinci divizionda keçirdiyi 6 oyunda 5 qələbə qazanıb, 1 heç-heçə edən "Qaradağ" yenə məğlub olmayıb. Lövbatan təmsilçisi "Şuşa"nı 3:2 hesabı ilə yenib. Birinci divizionun digər məğlubiyyətsiz komandası "Neftçala" da qələbəyə sevinib. Bölgə təmsilçisi ikinci hissəni azlıqda keçirməsinə rəğmən "Tərəqqi"yə 1:0 hesabı ilə qalib gəlib.
"Şahdağ" birinci divizionun atusayderi "Muğan"ı üstələyib. Qusar təmsilçisi Salyan klubu üzərində 4:1 hesablı qələbə qazanıb. "Bakılı" - "Karvan" oyununda isə qalibi əsas vaxtda müəyyənləşdirmək mümkün olmayıb. 55-ci dəqiqədə "Bakılı"dan Ramin Nəsibov hesabı açsa da, 80-ci dəqiqədə Aqşin Həşimov tarazlığı bərpa edib və belə olan halda qalib əlavə vaxtda müəyyənləşib. 108-ci dəqiqədə Əli Hüseynov penaltidən fərqlənərək, "Bakılı"nı 1/8 finala çıxarıb. "Karvan" isə mövsümün ilk məğlubiyyətinin acısını yaşayıb. Birinci divizionda keçirdiyi bütün oyunlarda qələbə qazanan Yevlax klubunun kubok sevdası bununla başa çatıb.
Azərbaycan kuboku
1/16 final
26 oktyabr (çərşənbə)
Şahdağ - Muğan - 4:1
Qollar: Zahid Tayıbov, 35, Fair Əmirquliyev, 44; 77, Yusif Yusifzadə, 55 - Ceyhun Əliyev, 45.
Qırmızı vərəqə: Qüdrət Ağayev, 40 (Şahdağ).
Hakimlər: Elvin Əsgərov, Knyaz Əmiraslanov, Elşən Durmuşov, Ziya Nəsirov.
Qusar. Şövkət Orduxanov adına şəhər stadionu.
Tərəqqi - Neftçala - 0:1
Qol: Qalib Əmrahov, 70
Qırmızı vərəqə: Qeyrət Əliyev, 44 (2-ci sarı, Neftçala).
Hakimlər: Ceyhun Haşımov, Elşən Acalov, İsgəndər Əliyev, Ramil Əhmədov
Gəncə. Şəhər stadionu.
Lokomotiv - Sumqayıt Şəhər - 0:2
Qollar: Samir Abdulov, 66, Kamil Nurəhmədov, 89.
Hakimlər: Rəhim Həsənov, Zeynal Zeynalov, Rza Məmmədov, Xəlil Hüseynli.
"Bakı" FK-nın təlim-məşq bazasının stadionu.
Şuşa - Qaradağ Lökbatan - 2:3
Qollar: Röyal Nəcəfov, 44; 59 - Novruz Ələkbərov, 8, Nicat Tağıyev, 38, Tofiq Qədimov, 52.
Hakimlər: Anar Niyazov, Şakir Quliyev, Ruslan Quliyev, Rəşad Aydınov.
Bakı. "Şəfa" stadionu.
Bakılı - Karvan - 2:1
Qollar:Ramin Nəsibov, 55, Əli Hüseynov, 108-pen.- Aqşin Həşimov, 80
Hakimlər: Fuad Həsənov, Aleksandr Musatkin, Nahid Əliyev, Hümmət Məmmədov.
Bakı. "Şəfa" stadionu, IV meydança.
