27 oktyabr 2011 02:34
PSG ölkə kubokundan kənarlaşdırıldı (YENİLƏNİB)
Futbol üzrə Fransa Liqa kubokunda 1/8 final mərhələsinin oyunları keçirilib. Azerisport.az xəbər verir ki, ilk oyun günündə 1 qarşılaşma baş tutub.
Marsel “Olympique”i doğma meydanda “Lens”la qarşılaşıb. Görüş marsellilərin rəqib üzərindəki darmadağını ilə yekunlaşıb. Nəticədə, bu komanda növbəti mərhələyə vəsiqə qazanan ilk komanda olub.
Digər qarşılaşmalar son oyun günündə keçirilib. Ölkə çempionatında uğurla çıxış edən və zirvədə qərarlaşan PSG kubokdan uzaqlaşdırılıb. "Dijon" cəmi 4 gün öncə səfərdə 2 cavabsız qolla uduzduğu bu rəqibinə evdə şok yaşadıb. Elita təmsilçilərindən "Montpellier", "Auxerre", "Sochaux", "Saint-Etienne" və "Rennes" də kubokdan erkən uzaqlaşmalı olub. Özü də "Rennes" aşağı divizion təmsilçisiylə qarşılaşmada oyunsonrası penaltilərdə yenilgidən yaxa qurtara bilməyib.
Fransa Liqa kuboku
1/8 final
25 oktyabr
Olympique (Marsel) – Lens – 4:0
26 oktyabr
Dijon - PSG - 3:2
Montpellier - Lorient - 1:2
Auxerre - Caen - 1:2
Le Mans - Rennes - 0:0 (penaltilərlə 4:1)
Lille - Sedan - 3:1
Nice - Sochaux - 2:1
Saint-Etienne – Olympique (Lion) - 1:2
