26 oktyabr 2011 11:28
“Neftçiyə yenilgini ancaq Bakı üzərində qələbə unutdura bilər”
“Qarabağ”ın yarımmüdafiəçisi Əfran İsmayılov Premyer Liqanın 1-ci turundan təxirə salınan “Neftçi” ilə oyundan (2:3) sonra azerisport.az saytının suallarını cavablayıb.
- “Neftçi” ilə oyununuzu necə dəyərləndirərdiz?
- Matç yüksək səviyyədə keçdi. Fikrimcə, bunu siz özünüz də gördünüz. Məğlub olmağımıza baxmayaraq, əminəm ki, hər iki komanda özünün ən yaxşı oyununu sərgilədi. Təəssüf ki, bizim bəxtimiz gətirmədi. Birinci hissədə oynadıq, qol vurduq. İkinci qolu vurandan sonra artıq uduzacağımıza inanmırdım.
- Rəşad Abdullayevin cərimə zərbəsindən vurduğu qol oyununuza nə dərəcədə təsir etdi?
- Əlbəttə, bu qol “Neftçi” üçün çox vacib idi. Axı ikinci hissəyə 1:2 hesabıyla başlamaq, 0:2-dən qat-qat yaxşıdı. Amma yenə də biz hesabda üstün idik və qələbə hesabını qorumağa borcluyduq.
- İkinci hissədə komandada nə baş verdi?
- Biz sadəcə kobud səhvlər buraxdıq və cəzalandırdılar.
- Biz sadəcə kobud səhvlər buraxdıq və cəzalandırdılar.
- Sizcə, “Neftçi” qələbəyə layiq idi?
- “Neftçi”ni təbrik edirəm, qələbəyə layiq idilər. İkinci hissədə “Neftçi” daha yaxşı oynayıb, qələbə qazandı. Biz çox maraqlı qollar buraxdıq. Futbolda belə olur. Fikrimcə, “Neftçi”nin qələbəsinin əsas sirri onda idi ki, onlar soyuqqanlı oynayırdılar.
- “Neftçi”ni təbrik edirəm, qələbəyə layiq idilər. İkinci hissədə “Neftçi” daha yaxşı oynayıb, qələbə qazandı. Biz çox maraqlı qollar buraxdıq. Futbolda belə olur. Fikrimcə, “Neftçi”nin qələbəsinin əsas sirri onda idi ki, onlar soyuqqanlı oynayırdılar.
- Çempionatımızda belə oyunlar çox az olur...
- Heç mən də belə oyunların çox şahidi olmuram. Hələ də inana bilmirəm ki, sonda iki qol buraxmışıq.
- İki qol vurub, komandanın məğlubiyyətinə üzülmək necədi?
- Heç də yaxşı hiss deyil. Amma mən özümü komandadan ayırmıram. Hamı kimi mən də məğlubiyyətimizdə günahkaram.
- Qurban Qurbanov paltardəyişmə otağında nə dedi?
- Məşqçi dedi ki, bu, futboldu. Bizə öz üzərimizdə işləmək və “Bakı” ilə oyun haqda düşünmək lazımdı. Biz onları Quzanlıda qəbul etməliyik. Stadionun bu oyuna nə dərəcədə hazır olduğunu bilmirəm. Amma bizə deyiblər ki, qazon hazırda ideal vəziyyətdədi.
- Bu məğlubiyyət “Bakı” ilə oyununuza da təsir edə bilərmi?
- Bunu zaman göstərəcək. Biz özümüzə tez gəlməliyik. “Neftçi”yə yenilgini ancaq “Bakı” üzərində qələbə unutdura bilər.
