27 oktyabr 2011 21:49
Cavadov 45 dəqiqə oynadı, darmadağın gördü (YENİLƏNİB)
Rusiya Premyer Liqasında 29-cu turun oyunları keçirilir. Azerisport.az xəbər verir ki, Azərbaycan yığmasının üzvü Vaqif Cavadovun şərəfini qoruduğu “Volqa” turun açılış matçında səfərdə “Zenit”in qonağı olub.
Qeyd edək ki, həmyerlimizin komandası elitada qalmaq uğrunda mübarizə aparır. Bu oyun ərəfəsində komanda 25 xalla 13-cü pillədə qərarlaşmışdı. Nijni Novqorod təmsilçisindən fərqli “Zenit” 57 xalla çempionata liderlik edirdi. Elə bu qarşılaşmada da kimin kim olduğu nəticədə əksini tapıb. Sankt-Peterburq təmsilçisi həmyerlimizin komandasını darmadağınla yola salıb.
Ötən tur 28 dəqiqə oynayan Vaqifin bu dəfə hansı aqibəti yaşayacağı maraqla gözlənilirsi. Dmitri Çerışev bu oyunda da Vaqifə əsas heyətdə şans verməyib. Lakin həmyerlimiz 46-cı dəqiqədə Sanjar Tursunovun əvəzində meydana çıxıb.
Rusiya Premyer Liqası
29-cu tur
27 oktyabr
Zenit – Volqa - 3:0 (2:0)
Qollar: Fayzulin, 2, Buxarov, 38, Lazoviç, 69-pen.
Vaqif meydana girəndən sonra qonaqların hücum xəttində az da olsa, fəallıq artıb
55-ci dəqiqədə Cavadov sol cinahla əla sürət yığsa da, Sergey Semak ona qarşı qaydanı pozur. Vaqif cərimə zərbəsini özü yerinə yetirsə də, rəqib qapıçı - Vyaçeslav Malafeyev topu tutur
79. Vaqifin uzaqdan zərbəsi müdafiəçiyə dəyib kornerə çıxır. Amma oyundaşları bu kornerdən heç də yaxşı yararlanmır
