28 oktyabr 2011 13:35
Xəzər Lənkəran – Kəpəz matçı baş tutmaya bilər
Bu gün Premyer Liqanın 11-ci turu çərçivəsində keçiriləcək "Xəzər Lənkəran" - "Kəpəz" oyunu təxirə salına bilər. Azerisport.az saytına bu barədə Lənkəran şəhər mərkəzi stadionunun baş direktoru Höccət Hacıyev məlumat verib.
Hacıyev hal-hazırda da stadionun intensiv yağan yağışdan bərbad vəziyyətə düşdüyünü bildirərək, burada oyunun keçirilə bilməyəcyini bildirib:
"Lənkərana beş gündü aramsız yağışlar yağır. Hal-hazırda stadion su içində qalıb. Burda oyun keçirilə bilməz. Bu barədə biz klub rəhbərliyinə və PFL-ə də məlumat vermişik. Dünən əsas meydança da məşq keçməli olan "Kəpəz" meydançanın yararsızlığı səbəbindən yardımçı meydançada məşqini keçib. İnspektorun qərarından sonra mıəlum olacaq ki, oyun keçiriləcək yoxsa yox. Böyük ehtimalla burda oyun keçirilməyəcək".
Lakin maraqlıdı ki, PFL oyunun təxirə salınmasını istəmir. Belə olan halda sözügedən matçın taleyinin necə olacağı maraqla gözlənilir. Xatırladaq ki, “Xəzər Lənkəran” – “Kəpəz” matçı saat 18:00-da başlamalıdı.
