28 oktyabr 2011 18:27
Sumqayıt Şəhər AZAL-la oyuna itkilərlə hazırlaşır
Premyer Liqanın 11-ci turu çərçivəsində, oktyabrın 30-da Mehdi Hüseynzadə adına Sumqayıt şəhər stadionunda AZAL-ı qəbul edəcək “Sumqayıt Şəhər” hazırlığını davam etdirir. Azerisport.az xəbər verir ki, güclü yağışa görə komanda məşqini Masazır qəsəbəsində yerləşən Əlincə stadionunda keçirib.
Zədəli futbolçular Rəşad Kərimov, Eşqin Quliyev və Orxan Həsənov hələ də komanda ilə birlikdə məşq edə bilmir. Aleksandr Qross isə zədəsini sağaldaraq məşqlərə başlayıb. Onun AZAL-la qarşılaşmada iştirakı gözlənilir.
Qeyd edək ki, “Sumqayıt Şəhər”in 3 üzvü – Ruslan Nəsirli, Orxan Əliyev və Şamil Cəmaləddinov isə U-17-nin düşərgəsində yer alır.
