29 oktyabr 2011 14:37
Neftçinin qənimləri Türkiyə millisinə qarşı
AÇ-2012-nin play-off mərhələsində Türkiyə millisi ilə qarşılaşacaq Xorvatiya yığmasının heyəti açıqlanıb. Azerisport.az xəbər verir ki, baş məşqçi Slaven Biliç artıq 28 nəfərlik heyəti müəyyənləşdirib.
Avropanın aparıcı klublarında top qovan futbolçulara dəvət göndərən baş məşqçi "Tottenham"dən yarımmüdafiəçi Niko Krançar və "Hamburger"dan hücumçusu Mladen Petriçi yığmaya çağırmayıb. Buna səbəb həmin futbolçuların zədəli olmasıdı.
Baş məşqçi Çempionlar Liqasında "Dinamo"nun heyətində "Neftçi"yə qarşı oynamış futbolçulardan qapıçı İvan Kelava, müdafiəçilər Şime Vrsalko, Yosip Şimuniç və Domaqoy Vida, həmçinin yarımmüdafiəçi Milan Badelə dəvət göndərib.
Qeyd edək ki, Xorvatiya yığması noyabrın 6-da bir araya gələcək və hazırlığa başlayacaq. Xorvatlar noyabrın 11-də İstanbuldakı "Türk Telekom Arena"da Türkiyənin qonağı olacaq. Cavab matçı isə noyabrın 15-də "Dinamo" - "Neftçi" oyununun keçirildiyi "Maksimir" stadionunda baş tutacaq.
Qapıçılar: Stipe Pletikoşa (Rostov, Rusiya), Daniel Subaşiç (Hajduk), İvan Kelava (Dinamo, Zaqreb), Vyekoslav Tomiç (Karabükspor, Türkiyə);
Müdafiəçilər: Dario Srna (Şaxtyor, Ukrayna), Vedran Çorluka (Tottenham, İngiltərə), Şime Vrsalko (Dinamo, Zaqreb), Deyan Lovren (Olympique, Lion, Fransa), Yosip Şimuniç (Dinamo, Zaqreb), İvan Striniç (Dnepr, Ukrayna), Qordon Şildenfeld (Eintracht, Almaniya), Domaqoy Vida (Dinamo, Zaqreb), Manuel Pamiç (Sparta, Çexiya);
Yarımmüdafiəçilər: Oqnyen Vukoyeviç (Dinamo, Kiyev, Ukrayna), İvan Rakitiç (Sevilla, İspaniya), Tomislav Duymoviç (Dinamo, Moskva, Rusiya), Luka Modriç (Tottenham, İngiltərə), Milan Badel (Dinamo, Zaqreb), Mato Yayalo (Cologne, Almaniya), İvan Perişiç (Borussiya D, Almaniya), Daniel Pranyiç (Bayern, Almaniya), İvo İliçeviç (Hamburger, Almaniya);
Hücumçular: Mario Mancukiç (Wolfsburg, Almaniya), Eduardo Da Silva (Şaxtyor, Ukrayna), Nikitsa Yelaviç (Glasgow Rangers, Şotlandiya), Nikola Kaliniç (Dnepr, Ukrayna), İvan Klasniç (Bolton, İngiltərə), İvitsa Oliç (Bayern, Almaniya).
