29 oktyabr 2011 14:01
Mirça Rednik: Kamran Ağayevlə heç bir problemim yoxdu
“Xəzər Lənkəran”ın baş məşqçisi Mirça Rednik Premyer Liqanın 11-ci turunun “Kəpəz”lə oyunundan (1:0) sonra azerisport.az saytının suallarını cavablandırıb.
- “Kəpəz”lə oyununuzu necə xarakterizə edərdiz?
- Kifayət qədər maraqlı oyun alındı. Komandam mövsümdəki ən yaxşı oyunlarından birini sərgilədi. Məqsədimiz qələbə qazanmaq idi, buna da nail olduq. “Kəpəz”in də haqqını yeməmək lazımdı. Bu komanda heç də sıradan rəqib deyildi. Onlar da öz oyunlarını göstərdilər. Düzdü, daha çox qol gözləyirdik. Amma ələ düşən imkanların yalnız birindən yararlana bildik.
- Özünüzü lider komandanın baş məşqçisi kimi necə hiss edirsiz?
- Mən nəticələrimizə görə çox şadam. Amma başa düşmək lazımdı ki, bu, müvəqqəti də ola bilər. Çempionat hələ qurtarmayıb. Qarşıda hələ uzun məsafə var. Mən bütün çempionat boyu ikinci olmağa razıyam, təki sonda çempion olaq.
- İkinci pillədə “Qarabağ” qərarlaşsa da, “Neftçi” bu gün yenidən mövqeyinə qayıda bilər. Sizcə, məhz “ağ-qaralar”la oyununuz bu mövsüm həlledici ola bilər?
- Siz “İnter”i, “Qarabağ”ı, “Qəbələ”ni unudursuz. Hələ üstəlik, altılıq oyunları olacaq. Hər şeyə Böyük oyunların aydınlıq gətirəcəyini demək düz deyil. Bu, elə deyil.
- PFL Azərbaycan superkubokunu Gəncdə keçirmək istəyir. Siz, buna necə baxırsız?
- “Xəzər Lənkəran” superkubok matçını istənilən yerdə oynammağa hazırdı. Bizim üçün “Neftçi”ylə harda oynamağın fərqi yoxdu. Gəncədə deyəcəklər, orda da oynayacağıq. Desələr, gecə oynayın, gecə oynayacağıq. Əgər məni hətta səhər tezdən də oyatsalar, mən komandamı “Neftçi”ylə oyuna çıxarmağa hazıram.
- Kamran Ağayevlə aranızda nə baş verib?
- Ağayev Azərbaycanın ən yaxşı qapıçılarındandı, peşəkar futbolçudu, öz üzərində işləyir. Biz sadəcə kapitan sarğısını ondan alıb, Rahid Əmirquliyevə verməyi qərara aldıq. Kapitan mənim üçün sadəcə yaxşı futbolçu yox, həm də hamı üçün nümunə olmalıdı. Sualınıza gəlincə, onunla heç bir problemim yoxdu. Onu əvəzedici komandaya göndərməyimlə bağlı xəbərlər də gördüyünüz kimi, düz deyil.
- Ağayev Azərbaycanın ən yaxşı qapıçılarındandı, peşəkar futbolçudu, öz üzərində işləyir. Biz sadəcə kapitan sarğısını ondan alıb, Rahid Əmirquliyevə verməyi qərara aldıq. Kapitan mənim üçün sadəcə yaxşı futbolçu yox, həm də hamı üçün nümunə olmalıdı. Sualınıza gəlincə, onunla heç bir problemim yoxdu. Onu əvəzedici komandaya göndərməyimlə bağlı xəbərlər də gördüyünüz kimi, düz deyil.
- Onun yanvarda komandadan getməsi realdımı?
- Kamran “Xəzər Lənkəran”da qalacaq. Onu heç kim transferə çıxarmayıb. Mən heç bu haqda düşünməmişəm də. Yaya kimi müqaviləsi var.
- Kamran “Xəzər Lənkəran”da qalacaq. Onu heç kim transferə çıxarmayıb. Mən heç bu haqda düşünməmişəm də. Yaya kimi müqaviləsi var.
- Niyə sizin münasibətləriniz çat verdi?
- Heç kim səhvlərdən sığortalanmayıb. Kamran da maşın deyil, inşandı. Ötən mövsüm o, çox yaxşı oynamışdı, bunu gizlətmirəm. Mən də hesab edirəm ki, Azərbaycanda onun tayı yoxdu. İstənilən baş məşqçi Kamranı “Bakı” ilə oyundakı səhvindən sonra dəyişdirərdi. Amma mən ona güvəndim.
- Heç kim səhvlərdən sığortalanmayıb. Kamran da maşın deyil, inşandı. Ötən mövsüm o, çox yaxşı oynamışdı, bunu gizlətmirəm. Mən də hesab edirəm ki, Azərbaycanda onun tayı yoxdu. İstənilən baş məşqçi Kamranı “Bakı” ilə oyundakı səhvindən sonra dəyişdirərdi. Amma mən ona güvəndim.
