29 oktyabr 2011 11:28
Ansi Aqolli: Ümid edirəm ki, Neftçiylə İnter xal itirəcək
“Qarabağ”ın müdafiəçisi Ansi Aqolli Premyer Liqanın 11-ci turunun “Bakı” ilə oyunundan (2:1) sonra azerisport.az saytının suallarını cavablandırıb. Albaniyalı müdafiəçi iki ay sonra Quzanlıda keçirdikləri oyunda qazandıqları qələbə ilə bağlı öncə bunları dilə gətirib:
“Çox çətin oyun oldu. Amma hər şeyə rəğmən, bizim üçün bu oyunda hər şeydən önəmli olan 3 xal qazanmaq idi. Buna da nail olduğumuz üçün şadıq”.
“Çox çətin oyun oldu. Amma hər şeyə rəğmən, bizim üçün bu oyunda hər şeydən önəmli olan 3 xal qazanmaq idi. Buna da nail olduğumuz üçün şadıq”.
Aqolli bu oyunda hesabı açan həmyerlisi Admir Telinin qolunun vacibliyindən də danışıb. Axı komanda yoldaşı bir neçə gün öncə baş tutan “Neftçi” ilə oyunda (2:3) avtoqola imza atmaqla komandasının məğlubiyyətində əsas səbəbkarlardan biri olmuşdu: “Həmin oyunda Telinin sadəcə bəxti gətirmədi. Nəinki onun, ümumilikdə komandanın da həmin gün bəxti gətirmədi. Bu gün isə o, qol vurdu. Hansı ki, bu qol komandamıza çox kömək etdi”.
Aqolli yaradılan çoxsaylı qol vəziyyətlərinin boşa verilməsindən də danışıb: “Biz demək olar ki, hər oyunda çoxlu qol vəziyyətləri yaradırıq. Elə hücumları qolla tamamlamağa borcluyuq. Amma bu baxımdan işlər heç də istədiyimiz kimi getmir. Hesab edirəm ki, hələ bəxtimiz gətirmir. Hər şeydən önəmli olan isə qələbədi”.
Albaniya yığmasının da şərəfini qoruyan təcrübəli futbolçu bildirib ki, ikinci pillədə olmalarına baxmayaraq, hələ bu barədə konkrer nəsə demək tezdi: “Ümid edirəm ki, əsas rəqiblərimizdən “Neftçi”ylə “İnter” xal itirəcəklər və biz ikinci pillədə qalacağıq. Amma əsas bizim öz oyunumuzdu. Çempionat uzun marafondu. Odu ki, hər komandadan sürpriz gözləmək mümkündü. Hələ çox şey qabaqdadı”.
