30 oktyabr 2011 10:33
Ruslan Abışov: Xəzər Lənkəranı xalsız yola salmaq istəyirik
“Neftçi”nin müdafiəçisi Ruslan Abışov Premyer Liqanın 11-ci turunun “Turan”la oyunundan (1:0) sonra azerisport.az saytının suallarını cavablandırıb.
- Başa düşürdük ki, çətin oyun olacaq. Onu da bilirdik ki, rəqib əsasən müdafiə olunacaq. Buna baxmayaraq, biz çoxlu qol vəziyyətləri yarada bildik. Uşaqlar sağ olsunlar ki, sonda qol vurmağı bacardılar. Ümid edirəm ki, bundan sonra daha asan qələbələr əldə edəcəyik”.
- Yəqin ki, oyundan öncə heç siz özünüz də qələbənin bu qədər çətin başa gələcəyini gözləmirdiz...
- Həqiqətən, rəqib müdafiəyə çox qapanmışdı. Qələbənin bu qədər çətin alınması da başadüşüləndi. Onlar bura bir xal qazanmaq üçün gəlmişdilər. Bizim vəzifəmiz isə daha çətin idi. Ancaq qələbə qazanmaq istəyirdik. Düzdü, ilk yarıda hesabı açsaydıq, rəqib daha bu qədər qapalı oyun sərgiləməyəkdi və işimiz asanlaşacaqdı. Amma təəssüf ki, hər şey bizim üçün ən çətib məcrada davam etdi.
- Razısız ki, bu gün Flavinyonun günü deyildi?
- Bununla razılaşmamaq olmaz. O, penaltini də vura bilmədi. Üstəlik çoxsaylı qol epizodlarını dəyərləndirmədi. Əvəzində vurulan qolda onun da xidməti vardı. Eybi yox, “Xəzər Lənkəran”la oyunda daha uğurlu çıxış edər.
- Bununla razılaşmamaq olmaz. O, penaltini də vura bilmədi. Üstəlik çoxsaylı qol epizodlarını dəyərləndirmədi. Əvəzində vurulan qolda onun da xidməti vardı. Eybi yox, “Xəzər Lənkəran”la oyunda daha uğurlu çıxış edər.
- Bu qələbə “Xəzər Lənkəran”la vacib oyun öncəsi düşərli ola bilərmi?
- Şübhəsiz ki, bu qələbə növbəti oyuna hazırlığımıza təsir edəcək. Belə oyun öncəsində müsbət emosiya həmişə vacibdi, faydalıdı. Komandada özünəinam artdı. Əks halda komandada psioxloji şok yarana bilərdi. Bu isə “Xəzər Lənkəran”la oyun öncəsi bizə lazım deyil.
- Həmin oyun ərəfəsində nə düşünürsüz?
- İlk növbədə birinci dövrədəki məğlubiyyətin revanşını almaq. Baxımlı futbol sərgiləməyə və rəqibimizi Lənkərana xalsız yola salmaq istəyirik.
- Revanş hissindən başqa heç nə yoxdu?
- Yox, niyə ki? Qələbə aradakı xal fərqini minimuma endirəcək. Bundan niyə də istifadə etməyək?
- Yox, niyə ki? Qələbə aradakı xal fərqini minimuma endirəcək. Bundan niyə də istifadə etməyək?
