31 oktyabr 2011 16:55
Sumqayıt Şəhərin futbolçusunun qabırğasını sındırdılar
AZAL üzərində qələbə qazanan (2:1) “Sumqayıt Şəhər” həmin oyunda ciddi itki ilə üzləşib. Azerisport.az xəbər verir ki, bu qarşılaşmada ilk qolun müəllifi olan Samir Abdulovun qabırğası sınıb.
Adıçəkilən futbolçu klubun rəsmi saytına açıqlama verib: “İlk öncə, ilk qələbəyə görə bütün komandanı təbrik edirəm. Qazanılan üç xalda hamının əməyi var. Təəssüf ki, AZAL-la qarşılaşmada zədə aldım. Rəqiblə mübarizədən sonra qabırğamda ağrı hiss etdim. Oyundan sonra məlum oldu ki, həmin hissədə sınıq var. Həkimlərin sözlərinə görə, ən azı 1 ay məşq edə bilməyəcəyəm”.
Qeyd edək ki, Samir Abdulovdan başqa, Rəşad Kərimov, Eşqin Quliyev və Orxan Həsənov da zədə səbəbindən “Sumqayıt Şəhər”ə kömək edə bilmir.
