31 oktyabr 2011 13:04
Berti Foqts: AFFA tərəfindən mənə təzyiq yoxdu, amma....
Futbol üzrə Azərbaycan milli komandasının baş məşqçisi Berti Foqts daha bir maraqlı açıqlama ilə gündəmə gəlib. Azerisport.az xəbər verir ki, millimizin baş məşqçisi Almaniya mətbuatına verdiyi açıqlamada yığmamızdakı taleyinə aydınlıq gələcəyi tarixi açıqlayıb:
“Mənə sual verməyiniz normal haldı. Çünki bu, sizin işinizdi. Lakin hər şey sizin istəyinizlə deyil. Məndə belə xasiyyət var ki, publikaya dəqiq olmayan şeyi demirəm. Mənim Azərbaycan yığması ilə müqaviləmin müddəti ilin sonunda bitir. Sonrasına isə baxarıq. Noyabrın sonu, dekabrın əvvəllərində onlarla danışıqlara başlayacağam. AFFA tərəfindən mənə heç bir təzyiq yoxdu. Onlar mənə qarşı həmişə ədalətli və ləyaqətli davranıblar. Lakin bəzi şeylər var ki, onları dəyişmək lazımdı”.
