1 noyabr 2011 13:26
Pavel Doroşev: Bu haqda düşünmək də istəmirəm
“Qəbələ”nin qapıçısı Pavel Doroşev azerisport.az saytına müsahibəsində komandasının son oyunundan, uğursuz çıxışından danışıb.
- “Simurq”a evdə məğlub olmağınız gözlənilməz oldu...
- Futbolda qələbəni həmişə daha çox çalışan qazanır “Simurq” bu qələbəni bizdən daha çox istəyirdi. Həmin oyunda rəqibimiz əla futbol sərgilədi və qələbəyə layiq idi. Biz isə üzərimizdə daha çox çalışmalıyıq. Günahkar axtarmamalıyıq.
- Ona görə ki, artıq tapılıb, ya ümumiyyətlə yoxdu?
- Günahkar bütöv komandadı. Bizdə çoxlu legionerlər var. Amma uyğunlaşma ilə bağlı hələ də çatışmazlıqlar qalır. Fərdi planda güclü oyunçularımız var. Məsələn, iki oyun yaxşı çıxış edirik, ardından çox zəif bir oyunumuz olur. AZAL-la növbəti turun oyunundan sonra nəticə çıxarmalıyıq. Amma düşünürəm ki, hələ heç nə itirilməyib.
- Deməli, “Qəbələ”də komanda oyunu yoxdu?
- Bunun üçün vaxt lazımdı. Yaxşı futbolçuları toplamaq asandı. Amma onlardan güclü komanda yaratmaq o qədər də asan deyil. Bizə sabitlik çatışmır.
- Bunun üçün vaxt lazımdı. Yaxşı futbolçuları toplamaq asandı. Amma onlardan güclü komanda yaratmaq o qədər də asan deyil. Bizə sabitlik çatışmır.
- Bu, komandanızın artıq ikinci altılıq komandalarına ikinci məğlubiyyətidi...
- Bu mövsüm çox bərabər çempionat keçir. Mən artıq komandaları zəiflərə, güclülərə ayıra bilmirəm. “Simurq”da yüksək səviyyəli oyunçular var. “Rəvan”da da həmçinin. Sadəcə, bəxt bəzilərində gətirir, kimlərdəsə əksinə.
- Deməli, “Qəbələ”nin də hazırda bəxti gətirmir?
- Mən buna görə çox həyəcan keçirirəm. Çalışıram analiz edim və bütün bunların niyə baş verdiyini anlayım.
- Mən buna görə çox həyəcan keçirirəm. Çalışıram analiz edim və bütün bunların niyə baş verdiyini anlayım.
- Mövsümün əvvəlində medallar uğrunda mübarizə aparmağı hədəfləmişdiniz. Bəziləri hətta çempionluqdan danışırdı. Vəzifə dəyişməyib?
- Hədəflərimiz olduğu kimi qalır. Qarşıda bizi çox çətin dövrə gözləyir. İkinci dövrənin sonunda nəyisə təsdiqləmək olar.
- Belə gedişlə hətta ilk altılıqdan da kənar qala bilərsiz...
- Bu haqda düşünmək də istəmirəm. Bunu müzakirə etməyə də ehtiyac duymuram. Biz ilk altılığa düşməliyik və düşəcəyik də.
- Deməli, ikinci dövrənin ilk oyunu sizin üçün vacib əhəmiyyət daşıyır?
- Şübhəsiz. Rəqibimiz də yaxşı günlərini keçirmir. Maraqlı oyun olacaq. Bir qələbə çox şeyi dəyişə bilər.
