1 noyabr 2011 13:43
İlin ən yaxşı məşqçisi adına namizədlər bəllidi
2011-ci ilin ən yaxşı baş məşqçisi adına namizədlər açıqlanıb. Azerisport.az xəbər verir ki, 10 nəfərlik siyahı FİFA və “France Football” jurnalının versiyası üzrə hazırlanıb.
Onlar arasından seçiləcək 3 ən yaxşısı dekabrın 5-də Fransanın paytaxtı Parisdə, qalib isə 2012-ci il yanvarın 9-da İsveçrənin Sürix şəhərində açıqlanacaq.
Siyahıda yer alan mütəxəssislər isə aşağıdakılardı:
Visente del Boske (İspaniya yığması), Aleks Ferqyuson (Şotlandiya, “Manchester United”), Rudi Qarsiya (Fransa, “Lille”), Xosep Qvardiola (İspaniya, “Barcelona”), Yurgen Klopp (Almaniya, “Borussia” Dortmund), Yoahim Löv (Almaniya yığması), Joze Mourinyo (Portuqaliya, “Real”), Oskar Tabares (Uruqvay yığması), Andre Villaş-Boaş (Portuqaliya, “Porto” – “Chelsea”), Arsen Venger (Fransa, “Arsenal”).
