1 noyabr 2011 16:48
“Quzanlıdakı yenilgi futboldan kənar səbəblərə görə baş verdi”
“İnter”in təcrübəli müdafiəçisi Valeri Abramidze müsahibəsində “Rəvan”la qarşılaşma barədə danışıb, birinci dövrəni şərh edib, çempionatın hansı qarşılaşmasının daha çox yadında qaldığını açıqlayıb və “Turan”la gözlənilən matç barədə fikirlərini paylaşıb. Azerisport.az həmin müsahibəni təqdim edir.
- “Rəvan”la matç barədə nə deyə bilərdin?
- Oyun çox mürəkkəb alındı. Səmimi desəm, biz bilirdik ki, oyun belə də olacaq. Deyim ki, bizim üçün əsas məsələ 3 xalı əldə etmək idi və çox xoşdur ki, bu məqsədimə çatmağı bacardıq.
- Bununla belə, matçın sonunda komanda oyunun ipinin ucunu buraxdı…
- Bəli, biz rahatlaşdıq və az qala buna görə cəzalanacaqdıq. Rəqib bir qolun əvəzini çıxa bildi, lakin bununla belə, bizə qalibiyyət hesabını qorumaq mümkün oldu.
- Sən komandanın birinci dövrəni tam və əvəz edilmədən başa vuran yeganə üzvüsən. Əvvəldən sonadək oynamaq və belə qrafikə dözmək çətin deyil?
- Əlbəttə ki, çətindir. Bizim hamımıza asan deyil. Bundan başqa, qeyd etmək istərdim ki, ən çətin olanı meydança dəyişdirməkdir. Deyim ki, süni ot örtüyündən təbii ot örtüyünə keçid ən çətin prosesdir.
- Birinci dövrənin yekunlarını qiymətləndirməyini xahiş edirik. Fikrincə, başa çatan ilk dövrə “İnter” üçün necə alındı?
- Hesab edirəm ki, birinci dövrə bizim üçün yaxşı alındı. Onun yekunlarını müsbət qiymətləndirirəm. Lakin bizim əsas oyunlarımız hələ irəlidədir. Demək istərdim ki, bizə heç bir halda rahatlaşmaq olmaz, axı hər turda rəqiblər bizə qarşı daha çox köklənirlər.
- Birinci dövrədə hansı qarşılaşma daha çox yaddında qaldı?
- Bir çox oyunları qeyd etmək olar, lakin mənim üçün daha çox “Qarabağ”a qarşı Quzanlıda keçirdiyimiz oyun yadda qaldı. Bu matçda biz təəssüf doğuran məğlubiyyət aldıq. Bu da futboldankənar səbəblərə görə baş verdi. Axı həmin oyun dözəlməz istidə baş tutdu. Bir də ki, meydança yaxşı vəziyyətdə deyildi.
- “İnter” ikinci dövrəyə “Turan”la səfər oyunuyla başlayacaq. Bu komandayla gözlənilən oyun barədə nə deyərdin?
- “Turan” - güclü xarakterə malik çox yaxşı komandadır. Bundan başqa, onlar müdafiə futbolu oynayırlar, belə komandalara qarşısa oynamaq kifayət qədər çətindir. Bir də ki, “Turan”a çox təcrübəli məşqçi rəhbərlik edir. Bir sözlə, matç çox çətin olacaq, lakin biz Tovuza qələbə ardınca gedirik. Şəxsən mən Tovuz stadionunda qazonunun komandalara yaxşı futbol sərgiləməyə imkan verməsini istərdim. (klubun saytı)
