1 noyabr 2011 19:03
Vladislav Qədirov İnterə məğlubiyyətdən dərs çıxardı
Premyer Liqanın son turunun “İnter”lə matçından sonra “Rəvan”ın baş məşqçisi Vladislav Qədirov oyunçulara 1 günlük istirahət vermişdi. Azerisport.az xəbər verir ki, paytaxt klubu bu gün novbəti - 12-ci turun oyununa hazırlıqlara start verib.
Hazırlıqları həmişəki kimi “Dalğa Arena”da keçirən komanda səhər saatlarında intensiv məşq keçib. Baş məşqcinin klub saytına verdiyi məlumata görə, “Simurq” ilə matçda meydana çıxacaq ilk “11-lik”də bəzi dəyişikliklər olacaq.
Əsasən yarımmüdafiə və hücum xəttini nəzərdə tutan baş məşqçi konkret kimləri dəyişməyə qərara aldığını söyləməyib. Qeyd edək ki, novbəti turun oyunu 4 noyabr tarixində saat 16:00-da “Dalğa Arena”da keçiriləcək.
