3 noyabr 2011 14:11
AZAL qış fasiləsinə kimi baş məşqçisiz qalacaq!
AZAL-ın rəhbərliyi qəzet və idman saytlarında klubun yeni baş məşqçinin klmliyi ilə bağlı dərc olunan xəbərlərə münasibət bildirib. Azerisport.az klubun bu məsələ haqda rəsmi mövqeyini diqqətnizə çatdırır:
“Elxan Abdullayevin istefasından sonra bəzi qəzet və saytlarda AZAL-ın baş məşqçisi postuna mümkün namizədlər haqda məlumatlar yer alır. Heç bir rəsmi mənbəyə əsaslanmadan dərc olunan bu xəbərləri biz qətiyyətlə təkzib edirik. Bildiririk ki, bunlar bəzi işsiz məşqçilərin ucuz reklamından başqa bir şey deyil. AZAL-ın rəhbərliyi qış transfer dövrünə qədər baş məşqçi məsələsini gündəmdən çıxarıb. AZAL-ın əsas komandası bir müddət öncə məlumat verildiyi kimi, məşqçilər korpusunun rəhbərliyi altında fəaliyyət göstərəcək”.
