6 noyabr 2011 13:28
UEFA rəsmiləri Bakının bazasında (FOTO)
Azərbaycanda işgüzar səfərdə olan UEFA lisenziyalaşdırma departamentinin rəhbəri Andrea Traverso və liseziyalaşdırma departamentinin menecer auditoru Pablo Rodriges "Bakı" futbol klubunun təlim-məşq bazası və futbol akademiyasını ziyarət ediblər. Azerisport.az xəbər verir ki, tanışlıq və təftiş xarakteri daşıyan səfər zamanı klub infrastrukturu və futbol akademiyasının fəaliyyəti ilə tanış olan UEFA rəsmiləri klub infrastrukturuna ən yüksək qiymət veriblər.
Andrea Traverso burada gördüklərindən xeyli məmnun qaldığını bildirərək klubun rəsmi saytına açıqlama verib:
"Bakı" futbol klubunun təlim-məşq bazası və futbol akademiyası ən yüksək qiymətə layiqdir. Tam səmimi deyirəm ki, burada gördüklərim məni xoş mənada təəccübləndirdi. Cəmi 6 il əvvəl yaranan bir klub üçün bu fantastik göstəricidi. Uşaqlar üçün yaradılan şərait alqışa layiqdi. "Bakı" futbol klubunun bazası və futbol akademiyasının fəaliyyətini digər klublara örnək ola bilər, bu səbəblə geniş təqdimat hazırlayıb, gələcək seminarlarda nümunə kimi istifadə etmək fikrindəyik".
Liseziyalaşdırna üzrə ispaniyalı mütəxəssis Pablo Rodriges isə klub infrastrukturunun əvəzsiz bir kompleks olduğunu vurğulayaraq, "Bakı" futbol klubunun tam Avropa səviyyəli bir klub səviyyəsinə yüksəldiyini bildirdi.
