6 noyabr 2011 02:37
Superliqada baş məşqçi istefası
Türkiyə Superliqasının 10-cu turunda "Eskişehirspor"a öz meydanında yenilən "Karabükspor"un baş məşqçisi istefa verib. Azerisport.az xəbər verir ki, Yücel İldiz 1:2 hesablı məğlubiyyətdən sonra postundan ayrıldığını açıqlayıb.
O, açıqlamasında rəhbərliyə təqdim etdiyi istefa ərizəsinin qəbul edildiyini bildirib. Rəhbərliklə bir saata yaxın söhbət edən baş məşqçi heç kimdən incimədiyini deyib:
"Mən "Karabükspor"u çox sevirəm. 3 ildi ki, burdayam. Ayrılmaq vaxtım gəlib. Kimsədən inciməmişəm. İdarə Heyəti də istefamı anlayışla qarşıladı".
Yücel İldiz azarkeşlərdən incidiyini də biruzə verib: "Azarkeş həmişə haqlıdı. Amma matçın 50-ci dəqiqəsində bu şüarları səsləndirmək, istefa qışqırmaq olmaz. Demək ki, artıq ayrılmaq vaxtım çatıb. "Karabükspor" haqq etdiyi yerdə hər zaman olacaq".
