8 noyabr 2011 01:26
Kamran Ağayev: Niyə elə hesab edirlər ki, mən qəsdən oynamamışam?
Futbol üzrə Azərbaycan yığmasının və “Xəzər Lənkəran”ın qapıçısı Kamran Ağayev Premyer Liqanın 12-ci turunun “Neftçi” ilə oyununda iştirak etməməsinin səbəbini açıqlayıb. Azerisport.az saytına müsahibəsində o, 0:5 hesabıyla uduzduqları görüşdən sonra bunları dilə gətirib.
“Öncədən onu deyim ki, həqiqətən zədəliydim. “Neftçi”ylə oyuna qədər ayağımda ağrı hiss edirdim. Buna görə də komandama kömək edə bilmədim. Mən həmişə öz komandama kömək etməyə hazıram. Amma əgər ayağımda zədə varsa, belə oyunda necə forma geyə bilərəm? Bir neçə il öncə də məndə belə problem var idi. Onda da meydana çıxa bilməmişdim. Amma heç kim heç nə deməmişdi. Bilmirən niyə elə hesab edirlər ki, mən qəsdən oynamamışam. Mənim həqiqətən ayağım ağrıyır. Albaniya ilə yoldaşlıq matçında da çıxışım sual altındadı. Böyük ehtimalla o oyunda da meydana çıxa bilməyəcəm”.
Xatırladaq ki, Azərbaycan yığması ilə Albaniya arasındakı yoldaşlıq oyunu noyabrın 11-də Tiranada keçiriləcək.
