8 noyabr 2011 13:39
Böyük oyundakı səhv Hollandiya mətbuatında
Futbol üzrə Azərbaycan Premyer Liqasının 12-ci turunun “Neftçi” – “Xəzər Lənkəran” matçındakı hakim səhvinin əks-sədası artıq Hollandiya mətbuatından gəlir. Azerisport.az xəbər verir ki, paytaxt klubunun 5:0 hesablı qələbəsi ilə başa çatan görüşün ilk dəqiqələrində baş verən olaya xarici ölkə mətbuatı da maraq göstərməkdədi.
Məlum olduğu kimi, həmin epizodda meydan sahiblərinin yarımmüdafiəçisi Rəşad Abdullayev onun dabanını tapdalayan rəqib müdafiəçi Şəhriyar Xəlilovun sifətinə zərbə endirmişdi. Amma hakim ona nəinki qırmızı, heç sarı da göstərmədi və heç nə olmamış kimi, cənubluların qapısına cərimə zərbəsi təyin etdi. Hollandiya mətbuatı da məhz hadisəni işıqlandıraraq, hakimlərimizin bu “qəhrəmanlığ”ını lağa qoyub.
