9 noyabr 2011 12:28
Aleksandr Şoliç: 2-3 turdan sonra liderlər arasında olacağıq
Bakı”nın yarımmüdafiəçisi Aleksandr Şoliç azerisport.az saytına müsahibəsində komandasının çıxışından, Azərbaycan futbolundan danışıb.
- 12 turdan sonra “Bakı” 5-ci pillədə gedir. Bu, sizi qane edir?
- Turnir cədvəlində baxsaq, heç də hər şeyin pis olduğunu görmərik. Xüsusilə də, “Neftçi”nin “Xəzər Lənkəran” üzərindəki qələbəsindən sonra. Bir oyunda uduzan kimi aşağı düşürsən, qələbə qazananda üst pillələrə qalxırsan. Daha 2-3 turdan sonra biz liderlər arasında olacağıq.
- Sizin üçün ilk altılığa neçənci yerlə düşməyin fərqi var?
- Sonuncu olmağımızı istəməzdim. Çempionluq uğrunda mübarizə aparmaq istəyirik. Buna görə də mümkün qədər üst pillələrdə olmaq yaxşıdı. Amma o da mümkündü ki, altılığa bölünərkən liderlər altıncı yer arasında 3-4 xallıq fərq olsun. Onda sonuncu olmağımızın da ciddi önəmi olmaz.
- Sonuncu olmağımızı istəməzdim. Çempionluq uğrunda mübarizə aparmaq istəyirik. Buna görə də mümkün qədər üst pillələrdə olmaq yaxşıdı. Amma o da mümkündü ki, altılığa bölünərkən liderlər altıncı yer arasında 3-4 xallıq fərq olsun. Onda sonuncu olmağımızın da ciddi önəmi olmaz.
- İlk dövrədə evdə “Kəpəz”ə 3 cavabsız qolla uduzduğunuzu nəzərə alsaq, son turda Gəncədə qazandığınız qələbə bir qədər gözlənilməz alındı...
- Biz revanşa köklənmişdik. Əsas odu ki, “yanmadıq”. Daha çox qol vura bilərdik. Bu qələbələrin davamını gətirmək lazımdı. Düzünü deyim ki, meydanın vəziyyəti çox pis idi. Hücum keyfiyyətlərini nümayiş etdirməyə imkan vermirdi. Bizim üçün əsas olan 3 xala sahib çıxmaq idi. Həm də ilk dövrədəki yenilgini unutdurmaq istəyirdik. O vaxt imkanlarımızdan çox aşağı səviyyədə çıxış etmişdik.
- “Kəpəz” həmin oyundan çox fərqlənirdi?
- “Kəpəz”ə hörmətim çoxdu. Amma xüsusi nəsə fərq yox idi. Birinci dövrədəki oyunda biz öz səhvlərimiz ucbatından uduzmuşduq. Onlar bizə 3 qolu heç nədən vurmuşdular.
- “Kəpəz”ə hörmətim çoxdu. Amma xüsusi nəsə fərq yox idi. Birinci dövrədəki oyunda biz öz səhvlərimiz ucbatından uduzmuşduq. Onlar bizə 3 qolu heç nədən vurmuşdular.
- Amma liderlərlə oyunlarınız alınmır. Məsələn, “Qarabağ”la...
- Həmin oyunda da öz səhvlərimiz ucbatından uduzduq. Özümüz “Qarabağ” üçün qol vəziyyəti yaradırdıq. Rəqib özü yüz faizli qol vəziyyəti ələ edə bilmirdi. Sadəcə, evdə oynayırdılar, səhvlərimizdən yararlandılar.
