Ervin Bulku: Albaniya Azərbaycan yığmasından güclüdü

AZAL-ın və Albaniya millisinin yarımmüdafiəçisi Ervin Bulku yığmamızla yoldaşlıq görüşü ərəfəsində azerisrort.az müxbirinin suallarını cavablayıb.

 

- Azərbaycan çempionatında çıxışınızı nəzərə alsaq, bu görüşün sizin üçün  xüsusi əhəmiyyəti olacaq?

- Nəinki mənim, həmçinin Admir Teli və Ansi Aqoli üçün. Azərbaycanda çıxış edən futbolçular üçün bu, sadəcə yoxlama oyunu deyil. Klub rəqiblərimizə qarşı milli yığmalar səviyyəsində oynamaq xoşdur.

 

- Oyunun nəticəsi sizing üçün nə dərəcədə vacibdir?

- Statusundan asılı olmayaraq yığmanın oyunlarının nəticəsi həmişə vacibdir. Baxmayaraq ki, Azərbaycana - bizəyad olmayan ölkənin yığmasına qarşı oynayacağıq, qələbə üçün mümkün hər şeyi edəcəyik.

 

- Məşqçi heyətinə Azərbaycan yığması haqda danışmısınız?

-  Görüşün rəsmi xarakter daşımadığını nəzərə alsaq, əsas bizim komandanın nə edəcəyidir. Belə isə müəyyən informasiya vermişik. Düşünmürəm ki bu, sizing oyunçulara mane olsun. Əminəm ki, görüş dostluq şəraitində keçəcək.

 

- Albanlar Azərbaycan futbolu haqda hansı fikirdədir?

- Fikir premier-liqada çıxış edən oyunçuların sözlərindən formalaşır. Biz isə öz növbəmizdə pis heç nə demərik (gülür). Albanlar Azərbaycanda futbolun inkişafda olduğunu, yeni bazaların və stadionların tikildiyini bilirlər.

 

- Bəs müqayisə etsək?

- Son mərhələdə sizing yeddi xala qarşı biz on doqquz xal yığdıq. Səhv etmirəmsə bu, sizing ən yaxşı göstəricidir. Özünüz nəticə çıxarın.

 

- Klublarsəviyyəsində necə?

- Burda üstünlük artıq sizin tərəfdədir. Azərbaycanda yaxşı maliyyə şərtləri var. Ona görə də legionerlərin keyfiyyəti ümumiyyətlə qeyri-mütənasibdir.