11 noyabr 2011 16:41
“FİFA Azərbaycanda görülən işləri yüksək qiymətləndirir”
Ölkəmizdə səfərdə olan FİFA nümayəndə heyətinin üzvlərindən biri, FİFA-nın Media ilə Əlaqələr üzrə meneceri Monika Huser AFFA-nın saytına fikirlərini bildirib. Azerisport.az xəbər verir ki, o, açıqlamasında bunları dilə gətirib:
“Bu, bizim Azərbaycana 3-cü səfərimizdi. Əvvəlki səfərlərimiz fevral və iyun aylarına təsadüf etmişdi. İyunda Azərbaycan futbolunun 100 illik yubileyi təntənəli şəkildə qeyd olundu. Həmçinin “Dalğa Arena”nın açılış mərasimi keçirildi. Bu səfərimizdə də stadionların vəziyyəti ilə tanış olduq. Deyə bilərik ki, çox işlər görülüb, əməkdaşlarınız çox həvəslə çalışırlar. Qarşıda bizi daha məsuliyyətli işlər gözləyir. Gələn il Azərbaycanda keçiriləcək dünya çempionatına ciddi hazırlıq gedir. Əminliklə deyə bilərik ki, bütün ölkə bu yarışı səbirsizliklə gözləyir. FİFA Azərbaycanda görülən işləri yüksək qiymətləndirir”.
