11 noyabr 2011 11:05
Xəzər Lənkəran üçün qara yubiley
Azərbaycan Premyer Liqasının 12-ci turunun “Neftçi” ilə oyunundakı məğlubiyyət “Xəzər Lənkəran” tarixinin 50-ci yenilgisi oldu. Azerisport.az xəbər verir ki, 2004-cü ilin yayında yaradılan komanda bu matçadək keçirdiyi 277 qarşılaşmada 49 dəfə xalsız qalmışdı. 278-ci görüş isə yubiley məğlubiyyəti ilə nəticələndi – 0:5.
Komanda bu uğursuzluqların 35-ni ölkə çempionatında, 8-ni Azərbaycan kuboku, 6-nı avrokuboklar və 1-ni Birlik kubokunda yaşayıb. “Xəzər Lənkəran” 2004/2005 mövsümündə 6, növbəti futbol ilində 11 dəfə uduzub. 2006/2007 mövsümündə 3, 2007/2008-də 5, 2008/2009-da 9, 2009/2010-da 8 dəfə uduzan komanda son 2 mövsümdə məğlubiyyətlərinin sayını azaldıb. Ötən mövsüm cəmi 5 dəfə uduzan cənublular cari futbol ilində 3-cü dəfə meydanı başıaşağı tərk etdi.
50 məğlubiyyətdən 18-i Ağasəlim Mircavadov, 13-ü Rasim Kara, 8-i Mirça Rednikin baş məşqçiliyi dövrünə təsadüf edir. Nazim Süleymanovla İqor Ponomaryov hərəyə 4, Şenol Fidan 2, Viktor Pasulko isə hamıdan az - 1 dəfə komandanın yenilgisinə şahid olub. Cəmi 1 matçda baş məşqçi əvəzi olan Hafiz Əliyev isə məğlubiyyət acısı yaşamayıb.
Bu dəfəki məğlubiyyət əvvəlki 49 yenilgisdən fərqli olub. Belə ki, komanda heç vaxt 5 top fərqi ilə uduzmamışdı. Cəmi 3 dəfə böyük hesaba üzülən “Xəzər Lənkəran” 3 müxtəlif yarışın hərəsində 1 dəfə - amma həmişə 3 top fərqinə üzülmüşdü.
“Xəzər Lənkəran”ın böyükhesablı məğlubiyyətləri
|
2005/06
|
07.05.2006
|
Azərbaycan kuboku
|
1/2, cavab
|
KARVAN (Yevlax)
|
s
|
0:3
|
|
2008/09
|
31.07.2008
|
UEFA kuboku
|
I təsnifat
|
LEX (Polşa)
|
s
|
1:4
|
|
2010/11
|
17.10.2010
|
Azərbaycan çempionat
|
9-cu tur
|
GƏNCƏ (Gəncə)
|
s
|
1:4
|
|
2011/12
|
06.11.2011
|
Azərbaycan çempionatı
|
12-ci tur
|
NEFTÇİ (Bakı)
|
s
|
0:5
|
