15 noyabr 2011 12:58
AFFA daha 1 oyunçunu 4 oyunluq diskvalifikasiya etdi
Bu gün AFFA İntizam Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra aşağıdakı qərarlar qəbul edilib:
Azərbaycan birinci divizionunun 10-cu turunun “Şəmkir” – “Göyəzən” matçında “Şəmkir”in 4 futbolçusu sarı vərəqə ilə cəzalandığı üçün klub 100 manat cərimə olunub.
“Tərəqqi” – “Qaradağ Lökbatan” matçında “Qaradağ Lökbatan”ın 4 futbolçusu sarı vərəqə ilə cəzalandığı üçün klub 100 manat cərimə olunub.
“Şuşa” – “MKT-Araz” matçında “MKT-Araz”ın 4 futbolçusu sarı vərəqə ilə cəzalandığı üçün klub 100 manat cərimə olunub. Oyunun 55-ci dəqiqəsində “MKT-Araz”ın futbolçusu Samir Babayev aqressiv oyuna görə birbaşa qırmızı vərəqə alaraq meydandan kənarlaşdırıldığı üçün 4 oyunluq cəzalanıb, klubu 400 manat cərimə olunub.
“Şahdağ” – “Neftçala” matçının 35-ci dəqiqəsində “Şahdağ”ın futbolçusu Sərxan Ağayev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub. Oyunun 67-ci dəqiqəsində “Neftçala”nın futbolçusu Rusif Baxşıyev idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Muğan” – “Energetik” matçının 85-ci dəqiqəsində “Energetik”in futbolçusu Samir Mütəllimov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
“Lokomotiv” – “Bakılı” matçında “Bakılı”nın 4 futbolçusu sarı vərəqə ilə cəzalandığı üçün klub 100 manat cərimə olunub. Matçın 45-ci dəqiqəsində “Lokomotiv”in cəzalı olan baş məşqçisi İbrahim Uzunca meydançaya kənar əşya atdığı üçün 1 oyunluq cəzalanıb, klubu 200 manat cərimə olunub. Oyunun 55-ci dəqiqəsində “Lokomotiv”in futbolçusu Elhad Əhmədov kobud oyuna görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.
