16 noyabr 2011 02:56
Türkiyə möcüzə edə bilmədi (YENİLƏNİB)
AÇ-2012-nin seçmə mərhələsinin pley-off oyunlarına yekun vurulub. Azerisport.az xəbər verir ki, iki oyundan ibarət olan bu mübarizədə 4 xoşbəxt növbəti qitə birinciliyinə vəsiqəyə sahib çıxmış olub.
Şübhəsiz ki, bu oyunlar arasında azərbaycanlı futbolsevərləri daha çox qardaş Türkiyə yığmasının aqibəti maraqlandırırdı. Maraq üçün onu da xatırladaq ki, bu komanda seçmə mərhələnin qrup oyunlarında Azərbaycanla eyni qrupda yer almışdı. Lakin Quus Hiddinkin komandası Xorvatiya ilə ilk dueldəcə darmadağına məruz qaldı. Özü də 0:3 hesablı yenilgi doğma meydanda alındığından, səfər matçında möcüzəyə nail olmaq çox çətin görünürdü. Gözlənildiyi kimi, xorvatlar üstünlüklərini əldən verməyiblər və AÇ-yə vəsiqəyə sahib çıxıblar.
Bundan əlavə daha 3 görüş keçirilib. Bosniya və Herseqovina ilk oyunda qolsuz sülhə razılaşdığı Portuqaliyanın qonağı olub. Meydan sahibləri darmadağınla qitə çempionatına yüksəliblər. Çexiya Monteneqronu səfərdə də məğlub etməklə, AÇ-yə daha çox layiq olduğunu isbatlayıb. Estoniya isə evdə İrlandiyaya böyük hesabla məğlub olduğundan, artıq AÇ-yə getmək arzularının üstündən xətt çəkmişdi. Ona görə bu qarşılaşma da tam formal xarakter daşıyırdı.
AÇ-2012-nin seçmə mərhələsi
Pley-off oyunları
15 noyabr
Xorvatiya - Türkiyə - 0:0 (ilk oyun 3:0)
Monteneqro - Çexiya - 0:1 (0:2)
Qol: Jiracek, 81.
İrlandiya - Estoniya - 1:1 (4:0)
Qollar: Uard, 31 - Vasilyev, 57.
Portuqaliya - Bosniya və Herseqovina - 6:2 (2-ci hissə) (0:0)
Qollar: Ronaldo, 8; 53, Nani, 24, Poştiqa, 72; 82, Veloso, 80 - Misimoviç, 41-pen, Spahiç, 65.
