16 noyabr 2011 15:03
Vaqif Cavadov oynadı, Volqa uduzdu
Futbol üzrə Azərbaycan millisinin bir illiyə cəzalandırılan hücumçusu Vaqif Cavadovun çıxış etdiyi Rusiyanın “Volqa” klubu yoxlama görüşü keçirib. Azerisport.az xəbər verir ki, Cavadovun komandası əvəzedici heyətlə qarşılaşıb.
Nə qədər gözlənilməz olsa da, Nijni Novqorod klubunun əsas heyəti əvəzedicilərə minimal hesabla məğlub olub – 0:1. Baş məşqçi Dmitri Çerışev Vaqifə ilk dəqiqələrdən şans verib. Lakin o, bir hissə - daha doğrusu 35 dəqiqə meydanda olub. Çünki qarşılaşma 35 dəqiqədən ibarət iki hissə olmaqla keçirilib. Matçdakı yeganə qol isə Vaqifin meydanda olmadığı dəqiqələrdə vurulub.
Bu görüşdə Azərbaycanın 19 yaşadək futbolçulardan ibarət millisinin üzvü Şamil Qurbanov da forma geyinib. Əvəzedicilərin heyətində çıxış edən millimizin müdafiəçisi də yalnız ilk hissədə meydanda olub.
