Samir Zərgərov: Mən ədalətsiz yerə cəzalandırıldım

Hələ “Neftçi” ilə oyun zamanı qırmızı vərəqə alaraq 4 oyunluq cəzalandırılan “İnter”in yarımmüdafiəçisi Samir Zərgərov bu qərarla bağlı növbəti fikirlərini açıqlayıb. Azerisport.az xəbər verir ki, o, klubun rəsmi saytına müsahibəsində bunları dilə gətirib:

“Bilirsiniz, mən hakimi təhqir etmədim, amma buna baxmayaraq mənə qırmızı vərəqə göstərildi və məni ehtiyat oyunçular skamyasından uzaqlaşdırdılar. Baş hakim ptokolda göstərmişdi ki, mən onu təhqir etmişəm, ancaq bu, doğru deyil! İntizam Komitəsinin qərarı məni çox məyus etdi. Axı, mən heç kimi vurmamışdım, xəsarət  yetirməmişdim və ümumiyyətlə, qaydaları pozmamışdım, ancaq məni kifayət qədər uzun müddətə-4 oyunluq diskvalifikasiya etmək qərarına gəldilər. Mənə ağır gəlir ki, cəzanın yüngülləşdirilməsi barədə təqdim etdiyimiz apellyasiya şikayətimizə baxmadılar. Demək istərdim ki, son zamanlar məndən də ağır qayda pozuntularına yol vermiş bəzi futbolçulara güzəştə gedirlər. Lakin mənə gəldikdə bunu etmədilər. Təəssüf ki, buna görə tam bir ay oynamadım, ancaq daha kədərlidi ki, mən ədalətsiz yerə cəzalandırıldım”.