17 noyabr 2011 12:41
“Toni Adams ailəsinin Qəbələdə yaşaya bilmədiyini söylədi”
Xəbər verdiyimiz kimi, “Qəbələ” klubunun ingiltərəli baş məşqçisi Toni Adams istefa verib. Azerisport.az xəbər verir ki, klubun baş meneceri Zaur Əzizov komandadakı son vəziyyətlə bağlı məlumat verib:
“Komandada hər şey qaydasındadı, “Neftçi” ilə oyuna hazırlıqlar davam edir. Köməkçi məşqçilərdən biri Toni Adamsı əvəz edəcək. Bu, köməkçi məşqçilərdən Qari Stevens də ola bilər. Toni Adams komanda rəhbərliyinə ailə vəziyyəti ilə əlaqədar istefa verdiyini bildirib. O, ailəsinin Qəbələdə yaşaya bilmədiyini söyləyib. Bəlkə də, Adams özünü komandaya verə bilmirdi və bu, komandanın sabit oyun nümayiş etdirməsinə də təsir edirdi. Bu gün komanda rəhbərliyi tərəfindən iclas keçiriləcək və “Qəbələ”nin kimin rəhbərliyi altında oyunlara çıxacağı dəqiqləşəcək. Hələ ki, yeni baş məşqçinin kim olacağı barədə heç bir məlumat yoxdu”.
