18 noyabr 2011 02:00
“Hazırda yeni baş məşqçi axtarışında deyilik”
Xəbər verdiyimiz kimi, bundan sonra “Qəbələ” Futbol Klubunun məşqçisi Fatih Kavlak komandanın baş məşqçisi vəzifəsini icra edəcək. Azerisport.az xəbər verir ki, Qari Stivens də əvvəlki – yardımçı məşqçi postunda qalıb.
Bu barədə qərar klubun ötən gün keçirilən iclasında qəbul olunub. İclasın təfərrüatları barədə məlumat verən klubun baş meneceri Zaur Əzizov yeni baş məşqçi axtarışında olmadıqlarını vurğulayıb: “Öncə komandanın məşqçi heyəti, daha sonra isə futbolçularla toplantı keçirdik. Qərara gəldik ki, Fatih Kavlak baş məşqçi vəzifəsini yerinə yetirsin. Fatih Kavlak komandaya yaxından bələddi və onun qarşıdakı oyunlarda uğur qazanacağına inanırıq. Hazırda yeni baş məşqçi axtarışında deyilik”.
