19 noyabr 2011 14:28
Berti Foqts bu gün Bakıya gəlir
Futbol üzrə Azərbaycan yığmasının baş məşqçisi Berti Foqts bu gün Bakıya gələcək. Azerisport.az xəbər verir ki, almaniyalı mütəxəssis ölkəmizdə olduğu müddətdə Premyer Liqanın 13-cü turunun oyunlarından birini izləməlidi.
Böyük ehtimalla bu, “İnter” – “Qarabağ” matçı olacaq. Noyabrın 25-də isə o, AFFA rəsmiləriylə birgə Lüksemburqa gedəcək.
Bu səfərdə məqsəd isə DÇ-2014-ün seçmə mərhələsinin 4-cü qrupunun oyunlarının təqvimini müəyyənləşdirməkdi. Həmin toplantıda komandamızı baş məşqçi kimi məhz Foqts təmsil edəcək. Baxmayaraq ki, onun hələ növbəti tsikldə yığmamızı çalışdırıb-çalışdırmayacağı müəyyənləşməyib.
