21 noyabr 2011 12:09
Arif Əsədov: Üçü yanlış, üçü doğru
“Neftçi”nin sabiq baş məşqçisi Arif Əsədov Premyer Liqamızın 13-cü turunun oyunları ilə bağlı verdiyi proqnozlardan üçündə yanılıb. Azerisport.az xəbər verir ki, o, 3 görüşün nəticəsini öncədən düzgün proqnozlaşdırsa da, qalanlarının nəticəsini müəyyənləşdirə bilməyib.
Belə ki, Əsədov AZAL – “Kəpəz”, “Bakı” – “Turan” matçlarında meydan sahiblərinin qələbə qazanacağını, “İnter” – “Qarabağ” görüşündə sülh qeydə alınacağını öncədən də dəqiq müəyyənləşdirib. Lakin onun “Xəzər Lənkəran”ın “Rəvan”ı yenəcəyinə, “Simurq” – “Sumqayıt Şəhər”, eləcə də “Qəbələ” - “Neftçi” oyunlarında heç-heçə olacağına dair proqnozları düz çıxmayıb.
