22 noyabr 2011 12:58
Roberto Karlosu ölkə başçısı da qəbul edəcək
Xəbər verdiyimiz kimi, dünya futbolunun tanınmış ulduzlarından biri, hazırda Rusiyanın “Anji” klubunda oynayan-məşqçi kimi fəaliyyətini davam etdirən braziliyalı futbolçu Roberto Karlos bu gün Bakıya gələcək. Azerisport.az xəbər verir ki, səfərin məqsədi FİFA U-17 qadınlararası dünya çempionatı Azərbaycan 2012-nin təbliğatında iştirak etmək, turnirin təşkilati işlərinə dəstək verməkdi.
Mahaçqala klubunun rəsmi saytının yaydığı məlumata görə, Bakıda təşkil olunacaq təqdimat mərasimində prezident İlham Əliyev, AFFA rəhbərliyi, tanınmış futbol simalarının da iştirakı gözlənilir. Həmçinin ölkə prezidentinin Karlosla görüşərək ona turnirin ilk biletini və Azərbaycan futbolunun 100 illiyi ilə bağlı mükafat da təqdim edəcəyi ehtimal olunur.
Braziliyalı futbol ulduzunun səfəri noyabrın 24-də başa çatacaq.
