23 noyabr 2011 17:08
Böyükağa Hacıyev: Sözüm hakimlərin qərarlarından narazı olan kəslərədi
"Neftçi"nin məşqçilər korpusunun üzvləri klubun rəsmi saytına açıqlama veriblər. Azerisport.az xəbər verir ki, baş məşqçi Böyükağa Hacıyev komandasının oyunlarına xaricdən hakim dəvət olunması istədiklərini bildirib:
"Baş məşqçi kimi mən başqa çıxış yolu görmürəm. Qələbə qazanmağımız bir yana dursun, məğlub olanda da hakimlərin bizə kömək göstərməsi ilə bağlı söhbətlər yayılır. Belə olan halda yeganə variant xaricdən hakimlər dəvət etməkdir. Görək onda "Neftçi"nin uğurlarına kim və necə kölgə salacaq? Bir daha deyirəm ki, bizim hakim köməyinə ehtiyacımız yoxdu. Sözüm hakimlərin qərarlarından narazı olan kəslərədi. Bizim üçün fiti çalan kəsin kimliyi vacib deyil, ədaləti qorumağı vacibdi".
