23 noyabr 2011 12:16
“Bu məğlubiyyətə görə bəzi oyunçıları cəzalandıracağıq”
Azərbaycan Futzal Federasiyasının prezidenti Zaur Axundov UEFA Kubokunun elit raundunu qrup ikincisi kimi bitirən “Araz”ın çıxışını dəyərləndirib. Azerisport.az saytına müsahibəsində o, bunları dilə gətirib:
“Eindhoven üzərindəki qələbədən (4:2) sonra biz oyunçuları “Chrudim”lə də oyuna yaxşı kökləməyə çalışdıq. Amma göründüyü kimi, bu, o qədər də yaxşı alınmadı. Çexiya klubuna məğlubiyyətə (3:4) görə biz bəzi futzalçıları cəzalandıracağıq. “Barcelona” ilə oyuna gəlincə, biz son görüşdə qələbəni əldən verdik. Hansı ki, buna görə çox təəssüflənirəm. İspaniyaya qələbə dalınca, Dördlər Finalına çıxmaq üçün getmişdik. Amma alınmadı. Buna görə də, “Barcelona” ilə heç-heçəyə sevinmirəm. “Araz”ın turnirdəki çıxışı analiz olunacaq. Yenilərdən danışmaq bir qədər düz olmazdı. Onlar hələ komandaya təzəcə qoşulublar. Komandaya uyğunlaşmalarına vaxt lazımdı. Fikrimcə, gələcəkdə onlar da komandaya uğur qazandıra biləcəklər”.
“Eindhoven üzərindəki qələbədən (4:2) sonra biz oyunçuları “Chrudim”lə də oyuna yaxşı kökləməyə çalışdıq. Amma göründüyü kimi, bu, o qədər də yaxşı alınmadı. Çexiya klubuna məğlubiyyətə (3:4) görə biz bəzi futzalçıları cəzalandıracağıq. “Barcelona” ilə oyuna gəlincə, biz son görüşdə qələbəni əldən verdik. Hansı ki, buna görə çox təəssüflənirəm. İspaniyaya qələbə dalınca, Dördlər Finalına çıxmaq üçün getmişdik. Amma alınmadı. Buna görə də, “Barcelona” ilə heç-heçəyə sevinmirəm. “Araz”ın turnirdəki çıxışı analiz olunacaq. Yenilərdən danışmaq bir qədər düz olmazdı. Onlar hələ komandaya təzəcə qoşulublar. Komandaya uyğunlaşmalarına vaxt lazımdı. Fikrimcə, gələcəkdə onlar da komandaya uğur qazandıra biləcəklər”.
