23 noyabr 2011 12:31
Qarabağ 10 günlük səfərə yollanır
“Qarabağ” Ağdama yollanır. Azerisport.az xəbər verir ki, noyabrın 26-da “Neftçi”ni qəbul edəcək komanda paytaxtdan uzun müddət ayrı düşəcək.
Belə ki, sabah Suraxanı qəsəbə stadionunda məşq etdikdən sonra Ağdam təmsilçisi Quzanlıya yollanacaq və Bakıya 10 gün sonra dönəcək. Həftəsonu turundan sonra komanda noyabrın 30-da Azərbaycan kubokunun 1/8 finalında “Sumqayıt Şəhər”i Ağdamda qəbul edəcək.
Dekabrın 4-də Tovuzda “Turan”la 15-ci turun oyununa çıxacaq komanda Bakıya qayıtmayacaq və Gəncəyə hərəkət edəcək. 2 gün Azərbaycanın 2-ci şəhərində məskunlaşacaq “Qarabağ” oyun günü Tovuza hərəkət edəcək. Belədə noyabrın 24-də Bakını tərk edəcək komanda bir də dekabrın 4-də axşam paytaxta dönəcək.
