25 noyabr 2011 17:32
“Lüksemburq və Azərbaycan arasında oyunlar maraqlı olacaq”
DÇ-2014-ün seçmə mərhələsinin F qrupunun təqviminin müzakirəsindən sonra Lüksemburq Futbol Federasiyasının prezidenti Filip Paulun təqvimlə bağlı fikirlərini açıqlayıb. Azerisport.az həmin fikirləri diqqətinizə çatdırır:
“Müzakirələrin belə tez başa çatacağını gözləmirdik. Çünki qrupda Portuqaliya və Rusiya millisi kimi güclü komandalar yer alıb. Amma sevinirəm ki, qısa müddət ərzində bütün tərəfləri qane edən nəticə əldə olundu. Qrupdakı oyunlar barədə fikirlərimə gəlincə, əlbəttə, kağız üzərində Portuqaliya və Rusiya millisi favoritdir. Şimali İrlandiya yığması ilə ehtiyatlı davranmağa dəyər. İsrail millisindən sürpriz gözləmək olar. Sözün açığı, Azərbaycan millisi barədə geniş məlumatım yoxdur. Bilirəm ki, baş məşqçiniz Berti Foqtsdur. Məncə, Lüksemburq və Azərbaycan milliləri arasında oyunlar maraqlı olacaq”. (AFFA)
