25 noyabr 2011 11:25
AFFA-dan Neftçiyə daha bir rədd
AFFA Apellyasiya və Ekspert Komitəsinin növbəti iclası keçirilib. Azerisport.az xəbər verir ki, aparılan müzakirələrdən sonra aşagıdakı qərarlar qəbul olunub:
“AZAL-ın AFFA-nın İntizam Komitəsi tərəfindən qəbul edilən 10.11.2011-ci il tarixli qərarın (məsələ 2 – cərimə), “Neftçi”nin AFFA-nın İntizam Komitəsi tərəfindən qəbul edilən 10.11.2011-ci il tarixli qərarın (məsələ 3 – cərimə, Rəşad Abdullayevin 4 oyunluq kənarlaşdırılması), “Neftçi” İSM və “Qala” klublarının AFFA-nın İntizam Komitəsi tərəfindən qəbul edilən 15.11.2011-ci il tarixli qərarın dəyişdirilməsi (məsələ 20 – futbolçuların 6 oyunluq kənarlaşdırılması və cərimə) ilə bağlı müraciətinə AFFA-nın Apellyasiya və Ekspert Komitəsində baxılaraq aşagıdakı qərarlar qəbul olunub:
1. AFFA-nın İntizam Komitəsinin 10.11.2011-ci il tarixli qərarı (məsələ 2) dəyişdirilmədən saxlanılsın.
2. AFFA-nın İntizam Komitəsinin 10.11.2011-ci il tarixli qərarı (məsələ 3) dəyişdirilmədən saxlanılsın.
3. AFFA-nın İntizam Komitəsinin 15.11.2011-ci il tarixli qərarının (məsələ 20) müvafiq maddəsi dəyişdirilsin və Nizam-İntizam Qaydalarının 38.1 bəndi tətbiq olunsun.
