Cavadov ilin son matçında 79 dəqiqə oynadı (YENİLƏNİB)

Futbol üzrə Azərbaycan millisinin bir illiyə cəzalandırılan hücumçusu Vaqif Cavadovun çıxış etdiyi Rusiyanın “Volqa” klubu bu gün Premyer Liqada növbəti oyununu keçirib. Azerisport.az xəbər verir ki, Cavadovun komandası səfərdə “Krılya Sovetov”la qarşılaşıb

 

Qeyd edək ki, bu, Cavadovun komandasının 2011-ci ildə Premyer Liqadakı son rəsmi matçıydı. Bu oyundan sonra Rusiya çempionatında qış fasiləsi start götürəcək. Ona görə də, Nijni Novqorod klubu ili major notlarla başa vurmağı hədəfləmişdi. Amma görüş qonaqların məğlubiyyəti ilə başa çatıb.

 

Baş məşqçi Dmitri Çerışevin Vaqifə bu görüşdə də şans verməsi gözlənilirdi. Həmyerlimiz bu qarşılaşmanın start heyətində yer alıb. Lakin qarşılaşmada heç nə ilə yadda qalmayan Vaqif 79-cu dəqiqədə oyundaşı ilə əvəzlənib.

 

Rusiya Premyer Liqası

26 noyabr

 

Krılya Sovetov – Volqa - 1:0 (1:0)

Qol: Kornilenko, 11.