28 noyabr 2011 13:24
Deyvidas Çesnauski: Bu, təəccüblü görünməməlidi
“Bakı”nın yarımmüdafiəçisi Deyvidas Çesnauski Premyer Liqanın 14-cü turunun “Qəbələ” ilə oyunundan (2:1) sonra azerisport.az saytının suallarını cavablandırıb.
- “Bakı” üçün kifayət qədər çətin qələbə olmadı ki?
- Hər şey bizim üçün yaxşı qurtardı. Bu, çox vacib qələbə idi. Çünki rəqibimiz heç də asan yeniləsi və zəif komandalardan deyildi. Bu da qələbəyə sevinməyimizə daha çox əsas verir.
- Hər şey bizim üçün yaxşı qurtardı. Bu, çox vacib qələbə idi. Çünki rəqibimiz heç də asan yeniləsi və zəif komandalardan deyildi. Bu da qələbəyə sevinməyimizə daha çox əsas verir.
- Siz də bu oyunda fərqlənə bildiniz...
- Bəli, bu, artıq mənim Azərbaycan çempionatındakı ikinci qolumdu. Son oyunlarda mən heç də pis təsir bağışlamadığımı düşünürəm. Yaxşı oyun sərgiləməyə başlamışam. Buna görə də şadam.
- Yəqin ki, son turlarda əsas heyətdə meydana çıxmağınız da təsadüfi deyil?
- Bu, təəccüblü görünməməlidi. Çempionatın əvvəlində sadəcə komandaya uyğunlaşmamışdım. Alışmaq lazım idi. Uyğunlaşma da qısa müddətə baş tutmur. İndi artıq öz oyunumu tapmışam. Komanda yoldaşlarımla daha yaxşı anlaşmağa başlamışam. Daha yaxşısına nail olmağa çalışıram.
- “Qəbələ”ni necə dəyərləndirərdiz?
- “Qəbələ” çox güclü komandadı. Bizimlə oyunda onlar qələbəni “Bakı”dan az istəmirdilər. Amma biz daha yaxşı oynadıq. Xüsusilə də, birinci hissədə. İkinci yarıda isə daha çox müdafiə olunmağa diqqət ayırdıq.
- Yeri gəlmişkən, müdafiə xəttiniz bu oyunda daha inamlı idi...
- Razıyam. Komandamız bu planda yaxşı artırıb. İndi özümüzü daha inamlı hiss edirik. Komandadan razı qaldığımı deməliyəm.
- Amma yenə də “Bakı”da ikinci hissə arxayınlaşması davam edir...
- Bəli. Oyunun ikinci hissəsində bunu görmək mümkün idi. Amma mənim fikrimcə, biz hər oyunda yaxşılığa doğru irəliləyirik.
