28 noyabr 2011 01:17
Bakıda millimizə qol vurdu, özünü asdı (FOTO)
Futbol üzrə Uels milli komandasının baş məşqçisi Qari Spid özünə qəsd edib. Azerisport.az xəbər verir ki, o, noyabrın 27-də evindən asılmış vəziyyətdə tapılıb.
42 yaşlı mütəxəssisin dünyasını dəyişdiyi yerdə polislər heç bir şübhəli dəlil tapa bilməyiblər. Təhqiqatçıların ilkin ehtimallarına əsasən, Spid intihar edib. Uels Futbol Federasiyası da bu xəbəri təsdiqləyərək, ölüm barədə informasiyanın yayılmasının mərhumun qohumları ilə razılaşdırıldığını bəyan edib.
Qeyd edək ki, Qari Spid əvvəllər Uels yığmasında da çıxış edib. O, 85 matçda 7 qol vurub. Qollardan 3-ü Azərbaycan yığması ilə oyunlara təsadüf edib. Spid 2004-cü il Avropa çempionatının seçmə oyunlarında millimizi 2 dəfə (0:2, 0:4), 2006-cı il dünya çempionatının seçmə matçında 1 dəfə (1:1) məyus edib. O, İngiltərənin “Lids”, “Everton”, “Nyukasl”, “Bolton”, “Şeffild Yunayted” klublarında oynayıb. Məşqçiliyə “Şeffildd Yunayted”də başlayan Spid 2010-cu ilin dekabrında Uels millisinə baş məşqçi təyin olunub.
