28 noyabr 2011 15:38
“Türkiyədə hər “korpus” burdakı kimi qayda pozuntusu olaraq dəyərləndirilmirdi”
“Qəbələ”nin hücumçusu Serje Cehua Premyer Liqanın 14-cü turunun “Bakı” ilə oyunundan (1:2) sonra azerisport.az saytının suallarını cavablandırıb.
- “Bakı”yla oyunu necə qiymətləndirirsiz?
- Həqiqətən, çox çətin oyun alındı. Bu oyuna hər iki komanda yaxşı əhval-ruhiyyədə yanaşırdı. “Bakı” ötən tur “Turan”a 5 cavabsız qol vurmuşdu. Biz isə “Neftçi”ni yenmişdik. Amma təəssüf ki, bu dəfə uğurun davamını gətirə bilmədik və nəticədə məğlub olduq.
- Həqiqətən, çox çətin oyun alındı. Bu oyuna hər iki komanda yaxşı əhval-ruhiyyədə yanaşırdı. “Bakı” ötən tur “Turan”a 5 cavabsız qol vurmuşdu. Biz isə “Neftçi”ni yenmişdik. Amma təəssüf ki, bu dəfə uğurun davamını gətirə bilmədik və nəticədə məğlub olduq.
- “Qəbələ”nin iki fərqli hissə keçirməsi nə ilə bağlı idi?
- Biz qol vurmaq üçün çalışırdıq. Xüsusilə də, ikinci hissədə. Amma “Bakı” müdafiəyə çəkilmişdi. Aşkar görmək mümkün idi ki, onlar üstünlüklərini qorumaq istəyirlər. Yaxşı müdafiə olundular. Görünür, məhz bu üzdən biz sadəcə bir qol vura bildik.
- Azərbaycanda cəmi iki ayınız keçib. Bura gələnə kimi klublarımız haqda nəsə bilirdiz?
- Azərbaycan haqda eşitmişdim. Hələ Türkiyədə olarkən, çempionatınız barədə bəzi şeyləri bilirdim. “Neftçi”, “Bakı”, “Xəzər Lənkəran” barədə bilirdim. Xüsusilə də, cənub təmsilçisi barədə. Bu, böyük komandadı. Bütövlükdə isə, burda olduğuma görə şadam.
- Azərbaycan çempionatı necə təsir bağışlayır?
- Azərbaycan çempionatı bütün komandaların şanslarının əllinin əlliyə olduğu birincilikdi. Amma mənə hələ çox çətindi. Xüsusilə də, fiziki planda. Türkiyədə oynayanda, hər “korpus” burdakı kimi qayda pozuntusu olaraq dəyərləndirilmirdi. Ona görə də mənim belə şeylərdə diqqətli olmağım lazımdı.
- Hakimliyi necə qiymətləndirərdiz?
- Hakimlik ideal olmasa da, yaxşıdı. Hər şey normaldı. Əllərindən gəldiyi qədər yaxşı idarəçilik etməyə çalışırlar.
- Hakimlik ideal olmasa da, yaxşıdı. Hər şey normaldı. Əllərindən gəldiyi qədər yaxşı idarəçilik etməyə çalışırlar.
- “Qəbələ”yə Toni Adamsa görə gəlsəz də, o, istefa verdi...
- Əlbəttə, bu, az önəm kəsb etmirdi. Amma fikrimcə, komandanı kimin çalışdırmasının fərqi yoxdu. Əgər sən özünü yaxşı tərəfdən göstərə bilirsənsə, baş məşqçi kim olsa da, sənə şans verəcək.
