29 noyabr 2011 13:38
Sergey Yuran: Əgər Neftçi Simurqu düzgünlüklə keçsə, onları təbrik edəcəm
“Simurq”un baş məşqçisi Sergey Yuran Azərbaycan kubokunun 1/8 final mərhələsinin “Neftçi” ilə oyunu öncəsi fikirlərini bölüşüb. Azerisport.az saytına müsahibəsində o, öncə bunları dilə gətirib:
“Mən deməzdim ki, bu oyuna hazırlığımız digərlərindən çox fərqlənir. Əlbəttə, kubok oyunları çempionat matçlarından çox fərqlidi. Xüsusilə də, psixoloji baxımdan. Uşaqları matçın hətta 120 dəqiqə davam etməsinə də kökləyirik. Hər şeyə hazır olmalıyıq. Penaltilər də istisna deyil. Amma ümid edirəm ki, əlavə vaxt olmayacaq və biz əsas vaxtda “Neftçi”ni mübarizədən kənarlaşdıra biləcəyik”.
“Mən deməzdim ki, bu oyuna hazırlığımız digərlərindən çox fərqlənir. Əlbəttə, kubok oyunları çempionat matçlarından çox fərqlidi. Xüsusilə də, psixoloji baxımdan. Uşaqları matçın hətta 120 dəqiqə davam etməsinə də kökləyirik. Hər şeyə hazır olmalıyıq. Penaltilər də istisna deyil. Amma ümid edirəm ki, əlavə vaxt olmayacaq və biz əsas vaxtda “Neftçi”ni mübarizədən kənarlaşdıra biləcəyik”.
Rusiyalı mütəxəssis bu oyunda “Neftçi”ni favorit hesab etmir: “Biz maksimum nəticəyə köklənmişik. Növbəti mərhələyə adlamaq şanslarının əllinin əlliyə olduğunu düşünürəm. Mən öz komandamı Azərbaycan kubokunun növbəti mərhələsində görmək istəyirəm. Bu turnirdə mümkün qədər irəli getməliyik”.
Zaqatala klubunun çalışdırıcısı bu oyunda hakimlikdən ehtiyatlandığını gizlətmir: “Bu oyunda iki amil öz sözünü deyə bilər. Bunlardan biri uğur, digəri hakimlikdi. Mən həm öz komandamın, həm də rəqibin oyununu analiz etmişəm. Hər oyunda səhvlər buraxırıq. Hakimliyə gəlincə, onların da səhvləri olur. “Neftçi”nin oyunlarında bu komandanın lehinə daha çox səhvlər olur. Əlbəttə, hakimlər də inşandılar, səhv edə bilərlər. Amma bu, hərdən tendensiya xarakteri alır. Feyr-pleyə ümid bəsləyirəm”.
Bütün bunlara baxmayaraq, Yuran PFL-ə müraciət etməyə hazırlaşmır: “Mənim işim komandanı çalışdırmaqdı. Qoy bununla PFl məşğul olsun. Mənim istəyim odu ki, bu görüşdə maksimum diqqətli olsunlar. Hakim səhvinə görə kubokdan kənarlaşsaq, çox üzüləcəm. Aydın məsələdi ki, “Neftçi” ənənələri olan superklubdu. Çoxları 1/4 finalda məhz onları görmək istəyirlər. Amma qoy onlar buna düzgün mübarizə ilə nail olsunlar. Əgər düzgünlüklə yensələr, onları təbrik edəcəm. Düzgün hakimlik təkcə mənə, “Simurq”a yox, həm də Azərbaycan futbolunun inkişafı üçün lazımdı”.
