Rednikdən siftə və ya XL üçün 1119 günlük həsrətin sonu

Azərbaycan kubokunun 1/8 final mərhələsinin “Qaradağ Lökbatan”la oyununda 3:0 hesabı ilə qalib gələn “Xəzər Lənkəran” 3 illik həsrətə son qoyub. Azerisport.az xəbər verir ki, bu komanda ölkə kubokunda 3 il idi böyük hesabla qalib gələ bilmirdi.

 

Cənublu futbolçular sonuncu dəfə 1119 gün əvvəl bunu bacarmışdı. Həmin vaxt 2008-ci il noyabrın 6-da NBC 3:0 hesabı ilə məğlub edilmişdi. 1/8 final mərhələsinin həmin səfər oyunundan sonra 15 kubok oyunu keçirən, dəfələrlə qalib gəlib, birində qələbə qazanmaqla 2 final oynayan “Xəzər Lənkəran” böyük hesabla qalib gəlməmişdi. Bu isə o deməkdi ki, 2 mövsümdü komandanın baş məşqçisi olan Mirça Rednik Azərbaycan kubokunda ilk dəfə belə halla üzləşdi. Ümumilikdə isə komanda Azərbaycan kubokunda 11 böyük hesablı qələbə qazanıb.

 

2005/06 – 2

2006/07 – 3

2007/0/8 – 3

2008/09 – 2

2011/12 - 1

 

Qeyd edək ki. “Xəzər Lənkəran”ın hesabında ölkə çempionatında qazanılan 32 böyükhesablı qələbə də var.