1 dekabr 2011 15:52
Katalin Domandan üçqat yubiley
Azərbaycan kubokunun 1/8 final oyunu “Xəzər Lənkəran” üçün bir sıra yubileylərlə əlamətdar olub. Azerisport.az xəbər verir ki, “Qaradağ Lökbatan”la qarşılaşma komandanın tarixində 50-ci kubok oyunu olmaqla yanaşı digər məqamlarla da diqqət çəkib. Bu matçlarda 33 qələbə, 9 heç-heçə və cəmi 8 məğlubiyyəti olan “Xəzər Lənkəran” 108 qol vurub və 35-ni buraxıb.
“Xəzər Lənkəran”ın 3:0 hesabı ilə qalib gəldiyi oyunun əsas qəhrəmanı olan Katalin Doman 2 qol vurmaqla həm də 3 yubileyə imza atıb. Birincisi bu oyun rumıniyalının komandasının heyətində 40-cı oyunu olub.
İkincisi isə Domanın matçda vurduğu sonuncu qol “Xəzər Lənkəran”ın Azərbaycan kubokunun ev oyunlarında rəqib qapısından keçirdiyi 60-cı qol olub. Cənublu futbolçular buna cəmi 11 qol buraxdıqları 23 matçda nail olublar.
Domanla bağlı 3-cü yubiley isə onun dubla imza atmasıdır. Belə ki, bu dubl “Xəzər Lənkəran” tarixində 60-cı dubl olub. İlk dəfə komanda üçün 1 oyunda 2 qol vuran rumıniyalı bunu bacaran 31-ci futbolçu olub. Bu dublların 39-u ölkə çempionatı, 18-i ölkə kuboku, 3-ü isə Birlik kubokunda qeydə alınıb. Dubllar üzrə rekordçu isə 8 dəfə buna nail olan seleksiyaçı məşqçi Zaur Ramazanovdu. Katalin “Xəzər Lənkəran”ın 3-cü rumıniyalısı olub ki, 1 oyunda 2 qol vurub. Ona qədər Klaudiu Radukanu 2, Robert İlyeş 1 dəfə bunu bacarmışdı.
“Xəzər Lənkəran”da dubla imza atanlar
8 - Zaur Ramazanov (2-si kubokda)
5 - Vüqar Nadirov (4-ü kubokda)
4 - Samir Əliyev (1-i kubokda)
3 - Allan Lalin
3 - Edmand Ntiamoa
3 - İvan Tsvetkov (1-i kubokda)
3 - Rahid Əmirquliyev (1-i Birlik kubokunda)
2 - Ceyhun Sultanov (1-i kubokda)
2 - Emin Quliyev
2 - Klaudianu Radukanu (2-si kubokda)
2 - Mario Souza (1-i Birlik kubokunda)
2 - Oqtay Dərəlioğlu
2 - Rəşad Abdullayev (1-i kubokda)
2 - Romulo Silvano
1 - Alim Qurbanov
1 - Bəxtiyar Musayev
1 – Branimir Subaşiç
1 - Elvin Beqiri
1 – Emeka Opara
1 - Əhməd Dursun
1 - Xaqani Məmmədov
1 - İlqar Qurbanov (1-i kubokda)
1 - Junior Osvaldo (1-i kubokda)
1 - Katalin Doman (1-i kubokda)
1 - Mahmud Qurbanov (1-i kubokda)
1 - Marinko Petkoviç (1-i kubokda)
1 - Nadir Nəbiyev (1-i Birlik kubokunda)
1 - Paşa Əliyev
1 - Robert İlyeş (1-i kubokda)
1 - Uinston Parks
1 - Yakuba Bamba
Domanla bağlı yubileylərdən başqa daha bir neçə futbolçu üçün Suraxanı qəsəbə stadionundakı görüş əlamətdar olub. Alim Qurbanov komandaвa 175-ci, kapitan Rahid Əmirquliyev 170-ci matçını keçirib. Antonio Semedo isə 10-cu dəfə “ağ-yaşıl” formanı geyib.
