1 dekabr 2011 11:37
İqor Mitreski: Biz Simurqa futbolla cavab verəcəyik
“Neftçi”nin müdafiəçisi İqor Mitreski Azərbaycan kubokunun “Simurq”la oyunundan (1:0) sonra azerisport.az saytının suallarını cavablandırıb.
- Zaqataladakı oyunla bağlı nə deyə bilərsiz?
- Əsas odu ki, biz qələbə qazandıq. “Simurq” bizi heç nə ilə təəccübləndirmədi. Bilirdik ki, rəqib bizimlə oyuna ciddi hazırlaşacaq və ikiqat güclə mübarizə aparacaq. Meydan sahibləri çox sərt oynayırdılar. Sanki onların məqsədi hamımızı zədələmək idi.
- Əsas odu ki, biz qələbə qazandıq. “Simurq” bizi heç nə ilə təəccübləndirmədi. Bilirdik ki, rəqib bizimlə oyuna ciddi hazırlaşacaq və ikiqat güclə mübarizə aparacaq. Meydan sahibləri çox sərt oynayırdılar. Sanki onların məqsədi hamımızı zədələmək idi.
- Flavinyonun meydandan qovulması komandaya ciddi təsir etdi?
- Əlbəttə, səfərdə 10 nəfərlə mübarizə aparmaq çox çətindi. Amma biz qələbə hesabını qoruya bildik.
- İkinci hissəni tez-tez yada salacaqsız?
- Hansı mənada? Mən deməzdim ki, “Simurq”un çox qol epizodu oldu. Yadımda qalan yalnız Rauf Mehdiyevin möhtəşəm oynadığı epizoddu. Hər hücumu təhlükəli qol epizodu adlandırmaq olmaz. Prinsipcə, normal oyun idi. Çünki “Simurq” uduzan tərəf idi və buna görə irəli atılmağa məcbur idi.
- Dekabrın 4-də “Simurq”la yenə qarşılaşacaqsız. Amma Premyer Liqa çərçivəsində...
- Evdə artıq başqa cür oynayacağıq. Deyərdim ki, biz “Simurq”a futbolla cavab verəcəyik. Onlar biziki fiziki cəhətdən sıradan çıxarmaq istəyirdilər. Biz isə oyunumuzla onları susduracağıq. Özü də birinci yerdə gedirik və bu mövqeyimizi kiməsə güzəştə getmək fikrimiz yoxdu. Sizi əmin edirəm ki, zaqatalalılar evə xalsız dönəcəklər.
- 1/4 finalda “Kəpəz”lə qarşılaşacaqsız. Gəncəliləri sizin üçün münasib rəqib saymaq olar?
- “Kəpəz” əvvəllər güclü idi. İndi onlar heç də yaxşı günlərini keçirmirlər. Amma bu oyunlar martda baş tutacaq. Həmin vaxta kimi çox şey dəyişə bilər. Özü də cütün taleyi iki oyunda müəyyənləşəcək.
- “Kəpəz” əvvəllər güclü idi. İndi onlar heç də yaxşı günlərini keçirmirlər. Amma bu oyunlar martda baş tutacaq. Həmin vaxta kimi çox şey dəyişə bilər. Özü də cütün taleyi iki oyunda müəyyənləşəcək.
- Flavinyonun meydandan qovulması hakimlərin “Neftçi”yə kömək etməsi barədə fikirlərə nöqtə qoyacaq?
- Mən bu danışıqlara fikir vermirəm. Ona görə də sualınıza cavab verə bilmərəm. Amma özünüz də gördünüz ki, Flavinyonu qovması azmış kimi, hakim lehimizə də bir neçə qərarları vermədi. “Simurq” hər dəqiqə qaydanı pozurdu. Əgər bunu kimsə bizə kömək hesab edirsə, onun futboldan başı çıxmır.
- Mən bu danışıqlara fikir vermirəm. Ona görə də sualınıza cavab verə bilmərəm. Amma özünüz də gördünüz ki, Flavinyonu qovması azmış kimi, hakim lehimizə də bir neçə qərarları vermədi. “Simurq” hər dəqiqə qaydanı pozurdu. Əgər bunu kimsə bizə kömək hesab edirsə, onun futboldan başı çıxmır.
- Amma digər oyunlarda sizin lehinizə olan mübahisəli qərarlar da var...
- Bizim öz yolumuz var – ancaq irəli. Başqa heç nəyə fikir vermirik. Əgər hər hakim səhvini kiməsə kömək hesab etsək, onda demək olar ki, bu çempionatı hakimlər oynayır. Sanki “Neftçi” özü hakimliyə görə az əziyyət çəkib.
- “Neftçi”nin hazırkı oyunundan razısız?
- Bəli. Yaxşı futbol sərgiləyirik, layiqli qələbələr qazanırıq. Yeni baş məşqçimiz var. Tam fərqli işləyir. Yenidən çempion olmaq istəyirik. Bu dəfə onunla.
