1 dekabr 2011 13:04
Bakı qış fasiləsində iki toplanış keçirəcək
“Bakı” futbol klubunun qış fasiləsi zamanı hazırlıq planları müəyyənləşib. Azerisport.az xəbər verir ki, paytaxtın eyni adlı təmsilçisi bu qış iki toplanış keçirməyi planlaşdırır.
Bunlardan birincisi Antalyada baş tutacaq. “Zolaqlılar” yanvarın 9-da məhz Türkiyədə bir araya gələcəklər. Həmin təlim-məşq toplanışı yanvarın 20-də başa çatacaq və o vaxt ərzində komandanın iki sınaq matçı keçirməsi nəzərdə tutulub.
Hazırlığın ikinci mərhələsi isə yanvarın 23-də başlayacaq və fevralın 5-nə kimi davam edəcək. Bu toplanışda isə Aleksandr 5 və ya 6 sınaq matçında yetirmələrini yoxlamağa çalışacaq. Hələlik rəqiblərin kim olacağı bilinmir. “Bakı”nın qış fasiləsində potensial yeni futbolçularını da məhz bu toplanışlar zamanı sınaqdan keçirəcəyi bildirilir.
